ನಟಿ ದೀಪಿಕಾ ಪಡುಕೋಣೆ ಮತ್ತು ನಿರ್ದೇಶಕ ರೋಹಿತ್ ಶೆಟ್ಟಿ ಸಂಬಂಧಿಸಿದ ಹಳೆಯ ವಿಡಿಯೋವೊಂದು ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ‘ಚೆನ್ನೈ ಎಕ್ಸ್ಪ್ರೆಸ್’ ಚಿತ್ರದ ಸೆಟ್ನಲ್ಲಿ ದೀಪಿಕಾ ಬಾಟಲಿಯಿಂದ ರೋಹಿತ್ ಶೆಟ್ಟಿ ತಲೆಗೆ ಹೊಡೆದ ದೃಶ್ಯ ನೋಡಿ ಅಭಿಮಾನಿಗಳು ಶಾಕ್ ಆಗಿದ್ದಾರೆ.
ವಿಡಿಯೋದಲ್ಲಿ ದೀಪಿಕಾ ಅವರು ಕೈಯಲ್ಲಿದ್ದ ಬಾಟಲಿಯಿಂದ ರೋಹಿತ್ ಶೆಟ್ಟಿ ಅವರ ತಲೆಗೆ ಹೊಡೆಯುತ್ತಾರೆ. ತಕ್ಷಣ ಬಾಟಲಿ ಒಡೆದು, ರೋಹಿತ್ ಅವರ ತಲೆಯಿಂದ ರಕ್ತ ಬರುತ್ತಿರುವಂತೆ ಕಾಣಿಸುತ್ತದೆ. ಇದನ್ನು ನೋಡಿ ಸೆಟ್ನಲ್ಲಿದ್ದವರೂ ಬೆಚ್ಚಿಬಿದ್ದಂತೆ ಕಾಣುತ್ತಾರೆ.
ಆದರೆ ಇದು ನಿಜವಾದ ಘಟನೆ ಅಲ್ಲ. ಸಿನಿಮಾಗಳಲ್ಲಿ ಸಾಹಸ ದೃಶ್ಯಗಳಿಗಾಗಿ ಬಳಸುವ ‘ಸಕ್ಕರೆ ಬಾಟಲಿ’ ಮೂಲಕ ಈ ದೃಶ್ಯವನ್ನು ತಮಾಷೆಗಾಗಿ ಸೃಷ್ಟಿಸಲಾಗಿತ್ತು. ರಕ್ತವೂ ಮೇಕಪ್ ಮೂಲಕ ತೋರಿಸಲಾಗಿತ್ತು ಎನ್ನಲಾಗಿದೆ.
2013ರಲ್ಲಿ ಬಿಡುಗಡೆಯಾದ ‘ಚೆನ್ನೈ ಎಕ್ಸ್ಪ್ರೆಸ್’ ಸಿನಿಮಾ ಶಾರುಖ್ ಖಾನ್ ಮತ್ತು ದೀಪಿಕಾ ಜೋಡಿಯ ದೊಡ್ಡ ಹಿಟ್ ಆಗಿತ್ತು. ಆ ಚಿತ್ರದ ಚಿತ್ರೀಕರಣದ ವೇಳೆ ತೆಗೆದ ಈ ಬ್ಲೂಪರ್ ವಿಡಿಯೋ ಈಗ ಮತ್ತೆ ವೈರಲ್ ಆಗಿದ್ದು, ನೆಟ್ಟಿಗರು ಮಜಾದಾಯಕ ಕಾಮೆಂಟ್ಗಳನ್ನು ಮಾಡುತ್ತಿದ್ದಾರೆ.
