ಬೆಂಗಳೂರು: ಒಂದು ವಾರದ ಕುಸಿತ ನಂತರ, ಚಿನ್ನದ ಬೆಲೆ ಇಂದು ಏಕಾಏಕಿ ಭಾರಿ ಏರಿಕೆ ಕಂಡಿದೆ. 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 3760 ರೂಪಾಯಿ ಹೆಚ್ಚಳ ಹೊಂದಿ 1,46,670 ರೂಪಾಯಿಗೆ ತಲುಪಿದ್ದು, ಚಿನ್ನಾಭರಣ ಪ್ರಿಯರ ಲೆಕ್ಕಾಚಾರದಲ್ಲಿ ದೊಡ್ಡ ತೀವ್ರತೆ ಮೂಡಿಸಿದೆ.
ಒಂದು ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 376 ರೂಪಾಯಿ ಏರಿಕೆಯಿಂದ 14,667 ರೂ ಆಗಿದೆ. 22 ಕ್ಯಾರೆಟ್ ಚಿನ್ನದ 1 ಗ್ರಾಂ ಬೆಲೆ 345 ರೂಪಾಯಿ ಹೆಚ್ಚಳ ಕಂಡು 13,445 ರೂ ಆಗಿದ್ದು, 10 ಗ್ರಾಂ ಬೆಲೆಯಲ್ಲಿ 3450 ರೂ ಏರಿಕೆಯಾಗಿಯೇ 1,34,450 ರೂಪಾಯಿಗೆ ತಲುಪಿದೆ.
ಬೆಳ್ಳಿ ಬೆಲೆ ಸಹ ಇಂದು ಭಾರಿ ಏರಿಕೆಯಾಗಿದ್ದು, ಕೆಜಿ ಬೆಲೆ 2,50,000 ರೂಪಾಯಿಗೆ ತಲುಪಿದೆ. ಸೋಮವಾರ ಬೆಳ್ಳಿ ಬೆಲೆ 15,000 ರೂಪಾಯಿ ಕುಸಿತ ಕಂಡಿದ್ದರೆ, ಕಳೆದ ವಾರವೂ ಚಿನ್ನ-ಬೆಳ್ಳಿ ಬೆಲೆಗಳಲ್ಲಿ ಭಾರಿ ಇಳಿಕೆ ಕಂಡಿತ್ತು. ಮಾರ್ಚ್ 2 ರಂದು 3.15 ಲಕ್ಷಕ್ಕೆ ಏರಿದ್ದ ಬೆಲೆ, 2.35 ಲಕ್ಷ ರೂಕ್ಕೆ ಇಳಿಕೆ ಕಂಡಿತ್ತು.
ಈ ತೀವ್ರ ಬೆಲೆ ಏರಿಕೆಗೆ ಇರಾನ್-ಅಮೆರಿಕ ಸಂಘರ್ಷ ಮತ್ತು ಡಾಲರ್ ಬೆಲೆ ಏರಿಳಿತ ಪ್ರಮುಖ ಕಾರಣಗಳಾಗಿವೆ. ಈ ಪರಿಣಾಮದಿಂದ ಚಿನ್ನ ಮತ್ತು ಬೆಳ್ಳಿ ಬೆಲೆಗಳಲ್ಲಿ ಹಠಾತ್ ಏರುಪೇರು ಕಂಡುಬರುತ್ತಿದೆ.
