ನವದೆಹಲಿ: ಡಿಜಿಟಲ್ ಪಾವತಿಗಳನ್ನು ಇನ್ನಷ್ಟು ಸುರಕ್ಷಿತ ಮತ್ತು ಸುಲಭಗೊಳಿಸುವ ನಿಟ್ಟಿನಲ್ಲಿ ಭೀಮ್ ಆ್ಯಪ್ ನಲ್ಲಿ ಹೊಸ ಬಯೋಮೆಟ್ರಿಕ್ ದೃಢೀಕರಣ ಫೀಚರ್ ಪರಿಚಯಿಸಲಾಗಿದೆ.
ಯುಪಿಐ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದ ಎನ್ಪಿಸಿಐನ ಅಂಗಸಂಸ್ಥೆಯಾದ ಭೀಮ್ ಸರ್ವಿಸಸ್ ಲಿಮಿಟೆಡ್ ಈ ಸೌಲಭ್ಯವನ್ನು ಅಧಿಕೃತವಾಗಿ ಘೋಷಿಸಿದೆ.
ಈ ಹೊಸ ಫೀಚರ್ ಮೂಲಕ ಬಳಕೆದಾರರು ₹5,000ರವರೆಗೆ ಯುಪಿಐ ಪಾವತಿಗಳನ್ನು ಫಿಂಗರ್ಪ್ರಿಂಟ್ ಅಥವಾ ಫೇಶಿಯಲ್ ರೆಕಗ್ನಿಶನ್ ಮೂಲಕವೇ ದೃಢೀಕರಿಸಬಹುದು. ಇದರಿಂದ ಪಿನ್ ನಮೂದಿಸುವ ಅಗತ್ಯವಿಲ್ಲ. ₹5,000ಕ್ಕಿಂತ ಹೆಚ್ಚಿನ ಮೊತ್ತದ ವ್ಯವಹಾರಗಳಿಗೆ ಮಾತ್ರ ಪಿನ್ ಅಗತ್ಯವಿರುತ್ತದೆ.
ಫಿಂಗರ್ಪ್ರಿಂಟ್ ಹಾಗೂ ಮುಖ ಗುರುತು ಸೌಲಭ್ಯ ಹೊಂದಿರುವ ಸ್ಮಾರ್ಟ್ಫೋನ್ಗಳಲ್ಲಿ ಈ ಫೀಚರ್ ಕಾರ್ಯನಿರ್ವಹಿಸುತ್ತದೆ. ಬಳಕೆದಾರರ ಬಯೋಮೆಟ್ರಿಕ್ ಮಾಹಿತಿಯನ್ನು ಫೋನ್ನಲ್ಲೇ ಸಂಗ್ರಹಿಸಲಾಗುತ್ತದೆ. ಹೀಗಾಗಿ ಭದ್ರತೆ ಹೆಚ್ಚುವುದರ ಜೊತೆಗೆ ದುರುಪಯೋಗದ ಸಾಧ್ಯತೆ ಕಡಿಮೆಯಾಗುತ್ತದೆ.
ಬಯೋಮೆಟ್ರಿಕ್ ಫೀಚರ್ ಸಕ್ರಿಯಗೊಳಿಸುವ ವಿಧಾನ:
- ಭೀಮ್ ಆ್ಯಪ್ ತೆರೆಯಿರಿ
- ಪ್ರೊಫೈಲ್ ವಿಭಾಗಕ್ಕೆ ಹೋಗಿ
- ನಿಮ್ಮ ಬ್ಯಾಂಕ್ ಖಾತೆ ಆಯ್ಕೆ ಮಾಡಿ
- “Biometric Transactions” ಆಯ್ಕೆಯನ್ನು ಸಕ್ರಿಯಗೊಳಿಸಿ
- ನಂತರ ಫಿಂಗರ್ಪ್ರಿಂಟ್/ಫೇಸ್ ಮೂಲಕ ₹5,000ರವರೆಗೆ ಪಾವತಿ ಮಾಡಬಹುದು
ಈ ಹೊಸ ವ್ಯವಸ್ಥೆಯಿಂದ ಯುಪಿಐ ಪಾವತಿಗಳು ಇನ್ನಷ್ಟು ವೇಗವಾಗಿ ಹಾಗೂ ಸುರಕ್ಷಿತವಾಗಿ ನಡೆಯಲಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
