HomeCrime Newsನಡೆಯುತ್ತಿದೆ ಈಗ ನೀಟ್ ಪರೀಕ್ಷೆ: ಮೂವರು ಅಭ್ಯರ್ಥಿಗಳ ಮನೆಯಲ್ಲಿ ಸೂತಕ

ನಡೆಯುತ್ತಿದೆ ಈಗ ನೀಟ್ ಪರೀಕ್ಷೆ: ಮೂವರು ಅಭ್ಯರ್ಥಿಗಳ ಮನೆಯಲ್ಲಿ ಸೂತಕ

Spread the love

ವಿಜಯಸಾಕ್ಷಿ ಕನ್ನಡ ದಿನಪತ್ರಿಕೆ, ಚೆನ್ನೈ: ಭಾನುವಾರ ದೇಶದಾದ್ಯಂತ ನೀಟ್ ಪರೀಕ್ಷೆ ನಡೆಯುತ್ತಿದೆ. ಆದರೆ ನೀಟ್‌ನ ತೀವ್ರ ಗೊಂದಲ, ಭಯದಲ್ಲಿದ್ದ ಮೂವರು ಅಭ್ಯರ್ಥಿಗಳು ಶನಿವಾರ ಆತ್ಮಹತ್ಯೆಗೆ ಶರಣಾಗಿದ್ದು, ಅವರ ಮನೆಯಲ್ಲೀಗ ಸೂತಕದ ವಾತಾವರಣವಿದೆ.
ಮೆಡಿಕಲ್ ಪದವಿಗೆ ಪ್ರವೇಶ ಪಡೆಯಲು ನಡೆಸುವ ತೀವ್ರ ಸ್ಪರ್ಧೆಯ ನೀಟ್ ಪರೀಕ್ಷೆಯನ್ನು ಕೊರೋನಾ ಕಾರಣಕ್ಕಾಗಿ ಮುಂದೂಡಿ ಎಂದು ನೂರಾರು ಸಂಘಟನೆಗಳು, ವಿದ್ಯಾರ್ಥಿಗಳು ಮತ್ತು ಕೆಲವು ರಾಜಕೀಯ ಪಕ್ಷಗಳು ಮಾಡಿದ್ದ ಮನವಿಯನ್ನು ಸುಪ್ರೀಂಕೋರ್ಟ್ ತಿರಸ್ಕರಿಸಿತ್ತು.

ಶನಿವಾರವೂ ಕೋರ್ಟ್ ಈ ಕುರಿತಾದ ಅರ್ಜಿಗಳನ್ನು ತಳ್ಳಿ ಹಾಕಿದ ನಂತರ ತಮಿಳುನಾಡಿನ ಮೂವರು ಅಭ್ಯರ್ಥಿಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಕಳೆದ ವರ್ಷದ ನೀಟ್‌ನಲ್ಲಿ ವಿಫಲನಾಗಿದ್ದ ಧರ್ಮಪುರಿಯ ಯುವಕ. ನಮಕ್ಕಲ್ ಜಿಲ್ಲೆಯ ಮತ್ತೊಬ್ಬ ಯುವ ಅಭ್ಯರ್ಥಿ ಮತ್ತು ಕಳೆದ ಸಲದ ನೀಟ್ ಪರೀಕ್ಷೆಯಲ್ಲಿ ವೇಟಿಂಗ್ ಸ್ಥಾನದಲ್ಲಿದ್ದು ಪ್ರವೇಶ ಪಡೆಯಲು ವಿಫಲಳಾಗಿದ್ದ ಮಧುರೈನ ಯುವತಿ-ಈ ಮೂವರೂ ಈ ವರ್ಷದ ನೀಟ್ ಪರೀಕ್ಷೆಗೆ ನೋಂದಾಯಿಸಿದ್ದು ಭಾನುವಾರ ಪರೀಕ್ಷೆ ಬರೆಯಬೇಕಿತ್ತು.

ಪರೀಕ್ಷೆ ಮುಂದೂಡಲಾಗುವುದಿಲ್ಲ ಎಂಬ ಸುದ್ದಿ ಗೊತ್ತಾದ ನಂತರ ಪರೀಕ್ಷೆಯ ಆತಂಕ ಮತ್ತು ಭಯದಲ್ಲಿ ಈ ಮೂವರು‌ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮೊದಲಿನಿಂದಲೂ ಪರೀಕ್ಷೆ ಮುಂದೂಡಲು ಆಗ್ರಹಿಸುತ್ತ ಬಂದಿರುವ ಡಿಎಂಕೆ ಮತ್ತು ಪಿಎಂಕೆ ಪಕ್ಷಗಳು ಶನಿವಾರವೂ ಮುಂದೂಡಲು ಆಗ್ರಹಿಸಿದ್ದವು.


Spread the love
Vijaya Sakshi
Vijaya Sakshi
Vijayasakshi is a Kannada Daily News Paper Publishing From Gadag. Get Latest Gadag District News Live Updates Online In Vijayasakshi.Com Vijayasakshi Kannada Daily Newspaper Provide News On Gadag District Including Karnataka, India News In Kannada. Contact-9448326533/9019256545 E-mail-vijayasakshidaily@gmail.com

LEAVE A REPLY

Please enter your comment!
Please enter your name here

E-Paper

E-paper

Must Read

spot_img
error: Content is protected !!