2022ರ ಡ್ರಗ್ಸ್ ಪ್ರಕರಣದಲ್ಲಿ ಬಾಲಿವುಡ್ ಸೆಲೆಬ್ರಿಟಿಗಳಿಗೆ ಕೊನೆಗೂ ನಿರಾಳತೆ ಸಿಗುವ ಲಕ್ಷಣಗಳು ಕಾಣಿಸುತ್ತಿವೆ. ಶ್ರದ್ಧಾ ಕಪೂರ್, ನೋರಾ ಫತೇಹಿ ಸೇರಿದಂತೆ ಹಲವು ಪ್ರಮುಖರ ವಿರುದ್ಧ ಯಾವುದೇ ದೃಢ ಪುರಾವೆಗಳು ಸಿಗದ ಹಿನ್ನೆಲೆಯಲ್ಲಿ ಪೊಲೀಸರು ಕ್ಲೀನ್ ಚಿಟ್ ನೀಡಲು ಮುಂದಾಗಿದ್ದಾರೆ.
ಡ್ರಗ್ ಪೆಡ್ಲರ್ ಮೊಹಮ್ಮದ್ ಸಲೀಂ ಶೇಖ್ ನೀಡಿದ ಹೇಳಿಕೆ ಆಧಾರವಾಗಿ ಆರಂಭವಾದ ತನಿಖೆಯಲ್ಲಿ ಸಿದ್ಧಾಂತ್ ಕಪೂರ್, ಓರಿ ಹಾಗೂ ಜೀಶನ್ ಸಿದ್ದಿಕಿ ಅವರ ಹೆಸರುಗಳೂ ತಳುಕು ಹಾಕಿಕೊಂಡಿದ್ದವು.
ಆದರೆ ತನಿಖಾ ಸಂಸ್ಥೆಗಳು ಈ ಗಣ್ಯರನ್ನು ಡ್ರಗ್ಸ್ ಪೂರೈಕೆ ಜಾಲಕ್ಕೆ ಸಂಪರ್ಕಿಸುವ ಸಾಕ್ಷ್ಯಗಳನ್ನು ಪತ್ತೆಹಚ್ಚಲು ವಿಫಲವಾಗಿವೆ. ಈ ಹಿನ್ನೆಲೆಯಲ್ಲಿ, ಸೆಲೆಬ್ರಿಟಿಗಳ ವಿರುದ್ಧದ ಆರೋಪಗಳನ್ನು ಕೈಬಿಟ್ಟು, ನೇರವಾಗಿ ಸಂಬಂಧ ಹೊಂದಿರುವ ಆರೋಪಿಗಳ ವಿರುದ್ಧ ತನಿಖೆ ಮುಂದುವರಿಸಲು ನಿರ್ಧರಿಸಲಾಗಿದೆ.
ಈ ಬೆಳವಣಿಗೆ ಮೂರು ವರ್ಷಗಳಿಂದ ವಿವಾದಕ್ಕೆ ಕಾರಣವಾಗಿದ್ದ ಪ್ರಕರಣಕ್ಕೆ ಮಹತ್ವದ ತಿರುವು ನೀಡಿದ್ದು, ಬಾಲಿವುಡ್ ವಲಯದಲ್ಲಿ ನಿರಾಳತೆ ಮೂಡಿಸಿದೆ.
