ಅನಗತ್ಯ ಓಡಾಡಿದ್ರೆ ಬೈಕ್ ಸೀಜ್ ಮಾಡ್ತಾರೆ ಪೊಲೀಸರು

ವಿಜಯಸಾಕ್ಷಿ ಸುದ್ದಿ, ಗದಗ

ಗದಗ ಬೆಟಗೇರಿ ಅವಳಿ ನಗರದಲ್ಲಿ ಇವತ್ತು ಮತ್ತು ನಾಳೆ ಅನಗತ್ಯವಾಗಿ ಓಡಾಡಬೇಡಿ. ಅನಗತ್ಯ ಮನೆಯಿಂದ ಹೊರಗೆ ಬಂದ ನಿಮ್ಮ ವಾಹನ ಸೀಜ್ ಮಾಡ್ತಾರೆ ಪೊಲೀಸರು. ಇದೇ ರೀತಿ ಅನಗತ್ಯ ಓಡಾಡುತ್ತಿರುವವರಿಗೆ ಇವತ್ತು ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ.

ಇದನ್ನೂ ಓದಿ ಮಾಸ್ಕ್ ಹಾಕು‌ ಅಂದಿದ್ದಕ್ಕೆ ಅಧಿಕಾರಿಗಳಿಗೆ ಅವಾಜ್ ಹಾಕಿದ್ನಾ ಯುವಕ..!

ನಗರದ ಭೀಷ್ಮಕೆರೆ ಬಳಿಯ ಬನ್ನಿಕಟ್ಟಿ ಕ್ರಾಸ್, ಹಳೇ ಡಿಸಿ ಆಫೀಸ್ ಸರ್ಕಲ್ ಸೇರಿದಂತೆ ಹಲವು ಕಡೆ ವಾಹನ ಸವಾರರನ್ನು ಹಿಡಿದು ಗಾಡಿಗಳನ್ನ ಸೀಜ್ ಮಾಡುತ್ತಿದ್ದಾರೆ. ಈಗಾಗಲೇ ಸುಮಾರು 15ಕ್ಕೂ ಹೆಚ್ಚು ದ್ವಿಚಕ್ರ ವಾಹನಗಳನ್ನ ಸೀಜ್ ಮಾಡಿ ಠಾಣೆಗೆ ಹೊತ್ತೊಯ್ದಿದ್ದಾರೆ.

ಹಳೆಯದೊಂದು ಔಷಧ ಚೀಟಿ ಇಟಗೊಂಡು ಔಷಧ ತರಬೇಕು ಪೊಲೀಸರನ್ನು ಯಾಮಾರಿಸೋಕೆ ಬಂದ್ರೆ ಪೊಲೀಸರು ಸುಮ್ಮನೆ ಬಿಡಲ್ಲ. ಸೀಜ್ ಮಾಡ್ತಾರೆ. ಸರಕಾರದ ನಿಯಮಗಳನ್ನ ಸರಿಯಾಗಿ ಪಾಲಿಸಿ ಅಂತ ಅವರು ಮನವಿ ಮಾಡ್ತಿದ್ದಾರೆ.

ಅನಗತ್ಯ ಓಡಾಡುವ ಕೆಲವು ಜನರಿಂದ ನಿಜಕ್ಕೂ ಔಷಧ ತರಲು ಬರುವ ರೋಗಿಗಳ ಸಂಬಂಧಿಗಳು ಕಷ್ಟ ಅನುಭವಿಸುವಂತಾಗಿದೆ. ಆದರೆ ಔಷಧ ತರಲು ಮಾರ್ಕೆಟ್ ಗೆ ಬಂದ ವ್ಯಕ್ತಿ ಒಬ್ಬ ಪರಿ ಪರಿಯಾಗಿ ಕೇಳಿಕೊಂಡರು ಪೊಲೀಸರು ಆತನ ಬೈಕ್ ನ್ನು ಬಿಡಲಿಲ್ಲ ಎನ್ನಲಾಗಿದೆ.