ಆಹಾರ, ಪಾನೀಯಗಳು ಆರೋಗ್ಯಕ್ಕೆ ಅಷ್ಟೊಂದು ಸುರಕ್ಷಿತವಲ್ಲ; ನೆಸ್ಲೆ

ವಿಜಯಸಾಕ್ಷಿ ಸುದ್ದಿ ನವದೆಹಲಿ

ವಿಶ್ವದಲ್ಲಿನ ಅತಿ ದೊಡ್ಡ ಕಂಪನಿಗಳಲ್ಲಿ ಒಂದಾಗಿರುವ ನೆಸ್ಲೆ ಕಂಪನಿ ಸತ್ಯವೊಂದನ್ನು ಒಪ್ಪಿಕೊಂಡಿದೆ.

ತಮ್ಮ ಕಂಪನಿಯ ಶೇ. 60ರಷ್ಟು ಮುಖ್ಯ ಆಹಾರ ಮತ್ತು ಪಾನೀಯಗಳು ಆರೋಗ್ಯಕ್ಕೆ ಅಷ್ಟೊಂದು ಸುರಕ್ಷಿತವಲ್ಲ. ಆರೋಗ್ಯ ಮಾನ್ಯತೆ ವ್ಯಾಖ್ಯಾನಕ್ಕೆ ಅನುಗುಣವಾಗಿಲ್ಲ. ಎಷ್ಟೇ ನವೀಕರಮ ಮಾಡಿದರೂ ಅವು ಆರೋಗ್ಯಕರವಲ್ಲ ಎಂದು ಹೇಳಿಕೊಂಡಿದೆ ಎಂದು ಫೈನಾನ್ಸಿಯಲ್ ಟೈಮ್ಸ್ ವರದಿ ಮಾಡಿದೆ.

ಸಾಕು ಪ್ರಾಣಿಗಳ ಆಹಾರ, ವೈದ್ಯಕೀಯ ಪೌಷ್ಟಿಕಾಂಶಗಳನ್ನು ಹೊರತು ಪಡಿಸಿದರೆ, ನಮ್ಮ ಕಂಪನಿಯ ಶೇ. 37ರಷ್ಟು ಆಹಾರ ಮತ್ತು ಪಾನೀಯಗಳು ಮಾತ್ರ ಆಸ್ಟ್ರೇಲಿಯಾದ ಹೆಲ್ತ್ ರೇಟಿಂಗ್ ವ್ಯವಸ್ಥೆಯಿಂದ 3.5 ಸ್ಟಾರ್ ಪಡೆದಿವೆ ಎಂದು ನೆಸ್ಲೆ ಕಂಪನಿ ತಿಳಿಸಿರುವುದಾಗಿ ವರದಿಯಾಗಿದೆ.

ಕಿಟ್ ಕ್ಯಾಟ್ ಚಾಕಲೇಟ್, ಮ್ಯಾಗಿ ಸೇರಿದಂತೆ ಹಲವು ತಿನಿಸುಗಳು ದೇಶದಲ್ಲಿ ದೊಡ್ಡ ಮಟ್ಟದ ಹೆಸರು ಪಡೆದಿವೆ. ಸದ್ಯ ಈ ಕಂಪನಿ, ಸತ್ಯ ಒಪ್ಪಿಕೊಂಡಿದೆ. ಇದರೊಂದಿಗೆ 3.5 ಅಥವಾ ಅದಕ್ಕಿಂತ ಹೆಚ್ಚು ಸ್ಟಾರ್ ಗಳು ಬಂದರೆ ಆರೋಗ್ಯ ಮಾನ್ಯತೆ ಪಡೆದ ವ್ಯಾಖ್ಯಾನಕ್ಕೆ ಅನುಗುಣವಾಗಿದ್ದಂತೆ ಎಂದು ತಾನೇ ಹೇಳಿಕೊಂಡಿದೆ.

ಇದರೊಂದಿಗೆ ನೆಸ್ಲೆ ಕಂಪನಿಯ ಶೇ. 60ರಷ್ಟು ಆಹಾರ ಉತ್ಪನ್ನಗಳು ಆರೋಗ್ಯ ಮಾನ್ಯತೆ ತಲುಪಲು ವಿಫಲವಾಗಿವೆ. ಅಲ್ಲದೇ, ಶುದ್ಧ ಕಾಫಿ ಹೊರತು ಪಡಿಸಿದರೆ ಶೇ. 96ರಷ್ಟು ಪಾನೀಯಗಳು ಕೂಡ ಆರೋಗ್ಯ ಮಾನ್ಯತೆ ಪಡೆಯಲು ವಿಫಲವಾಗಿವೆ. ಶೇ. 99ರಷ್ಟು ಮಿಠಾಯಿ ಹಾಗೂ ಐಸ್ ಕ್ರೀಂ ಕೂಡ ಮಾನ್ಯತೆಯ ವ್ಯಾಖ್ಯಾನಕ್ಕೆ ಅನುಗುಣವಾಗಿಲ್ಲ ಎಂದು ಕಂಪನಿ ಹೇಳಿಕೊಂಡಿದೆ.

ನಮ್ಮ ಆಹಾರ ಉತ್ಪನ್ನಗಳನ್ನು ಮತ್ತಷ್ಟು ಆರೋಗ್ಯಯುಕ್ತ ಮಾಡಲು ನಾವು ದಶಕಗಳಿಂದಲೂ ಪ್ರಯತ್ನ ಮಾಡುತ್ತಿದ್ದೇವೆ. ಉಪ್ಪು ಮತ್ತು ಸೋಡಿಯಂ ಬಳಕೆಯ ಪ್ರಮಾಣ ಕಡಿಮೆ ಮಾಡಿದ್ದೇವೆ. ಎಷ್ಟೇ ಪ್ರಯತ್ನಿಸಿದರೂ ಕೆಲವೊಂದಿಷ್ಟು ಆಹಾರಗಳು ಮಾನ್ಯತೆಯ ವ್ಯಾಖ್ಯಾನಕ್ಕೆ ಅನುಗುಣಕ್ಕೆ ಬರುವುದಿಲ್ಲ ಎಂದು ಕೂಡ ಕಂಪನಿ ಒಪ್ಪಿಕೊಂಡಿದೆ.