ಮಗುವಿಗೆ ಅಪ್ಪು ಎಂದು ನಾಮಕರಣ
Advertisement
ವಿಜಯಸಾಕ್ಷಿ ಸುದ್ದಿ, ಕೊಪ್ಪಳ;
ಅಪ್ಪು ಅಗಲಿಕೆಯ ನಂತರ ರಾಜ್ಯದ ಮನೆ ಮನೆಯಲ್ಲೂ ಅಪ್ಪು ಮೇಲಿನ ಅಭಿಮಾನ ರಾರಾಜಿಸುತ್ತಿದೆ. ಅಪ್ಪು ಅಗಲಿದ ದಿನ ಅಪ್ಪು ನೆನೆದು ಕಣ್ಣೀರು ಹಾಕಿದ ಕಂದಮ್ಮಗಳ ಸಂಖ್ಯೆ ಅಗಣಿತ.
ಕೊಪ್ಪಳ ಜಿಲ್ಲೆಯ ಕುಕನೂರಿನಲ್ಲಿ ಬಸ್‌ಗೆ ಅಂಟಿಸಿದ್ದ ಅಪ್ಪು ಚಿತ್ರ ಕಂಡು ಬಿಕ್ಕಿ ಬಿಕ್ಕಿ ಅತ್ತ ಅಜ್ಜಿಯ ಸುದ್ದಿ ಎಲ್ಲೆಡೆ ವೈರಲ್ ಆಗಿತ್ತು. ಇದೀಗ ಅಪ್ಪು ಸುದ್ದಿಗೆ ಸಂಬಂಧಿಸಿದಂತೆ ಮತ್ತೊಮ್ಮೆ ಕೊಪ್ಪಳ ಜಿಲ್ಲೆ ಸದ್ದು ಮಾಡುತ್ತಿದೆ.
ಕೊಪ್ಪಳ ತಾಲೂಕಿನ ಇರಕಲ್‌ಗಡಾದ ಮಂಜುನಾಥ್ ಗುತ್ತೂರ್ ಮತ್ತು ಮೀನಾಕ್ಷಿ ದಂಪತಿ ಈಚೆಗೆ ಜನಿಸಿದ ತಮ್ಮ ಮಗುವಿಗೆ ಅಪ್ಪು ಎಂದು ನಾಮಕರಣ ಮಾಡಿ
ಪುನೀತ್ ರಾಜಕುಮಾರ್ ಮೇಲಿನ ಅಭಿಮಾನವನ್ನು ಶಾಶ್ವತವಾಗಿಸಿಕೊಂಡಿದ್ದಾರೆ. ಇಂಥ ಕೋಟ್ಯಾನುಕೋಟಿ ಕುಟುಂಬಗಳಲ್ಲಿ ಅಪ್ಪು ಸದಾ ಅಜರಾಮರ.