ವಿಜಯಸಾಕ್ಷಿ ಸುದ್ದಿ, ಗದಗ
ಜಿಲ್ಲೆಯ ಎಲ್ಲ ತಾಲೂಕು, ಜಿಲ್ಲಾ ಪಂಚಾಯತಿಗಳ ಕ್ಷೇತ್ರ ಪುನರ್ ವಿಂಗಡಣೆ ನಂತರ ಹೊಸದಾಗಿ ರಚನೆಯಾದ ಕ್ಷೇತ್ರಗಳ ಸಂಖ್ಯೆ ಹಾಗೂ ಹೆಸರುಗಳನ್ನು ಘೋಷಿಸಿ ರಾಜ್ಯ ಚುನಾವಣಾ ಆಯೋಗ ಮಾ.24ರಂದು ಅಧಿಸೂಚನೆ ಹೊರಡಿಸಿದ್ದು, ಮಾ.30ರಂದು ಅವುಗಳ ಪ್ರಾದೇಶಿಕ ಚುನಾವಣಾ ಕ್ಷೇತ್ರದ ಪ್ರದೇಶವನ್ನು ನಿಗದಿಪಡಿಸಿ ಅಧಿಕೃತವಾಗಿ ಆದೇಶಿಸಿದೆ.
ಮುಂಬರುವ ಜಿಪಂ, ತಾಪಂ ಚುನಾವಣೆ ವೇಳೆ 19 ಕ್ಷೇತ್ರಗಳ ಬದಲು ಒಟ್ಟು 24 ಜಿಲ್ಲಾ ಪಂಚಾಯತ ಕ್ಷೇತ್ರಗಳು ಆಗಲಿವೆ. ಅದರಲ್ಲಿ ಗದಗ-6, ಮುಂಡರಗಿ-4, ರೋಣ-4, ಗಜೇಂದ್ರಗಡ -2, ನರಗುಂದ-2, ಶಿರಹಟ್ಟಿ ಹಾಗೂ ಲಕ್ಷ್ಮೇಶ್ವರ ತಾಲೂಕು ತಲಾ ಮೂರು ಕ್ಷೇತ್ರಗಳನ್ನು ಹೊಂದಿವೆ.
ಜಿಲ್ಲೆಯಲ್ಲಿರುವ ತಾಲೂಕು ಪಂಚಾಯತಿ ಕ್ಷೇತ್ರಗಳಿಗೆ ಕತ್ತರಿ ಬಿದ್ದಿದ್ದು, ಜಿಲ್ಲೆಯಲ್ಲಿ ಒಟ್ಟು 79 ತಾಪಂ ಕ್ಷೇತ್ರಗಳಾಗಿವೆ. ಅದರಲ್ಲಿ ಗದಗ-15, ಮುಂಡರಗಿ-9, ರೋಣ, ಗಜೇಂದ್ರಗಡ, ನರಗುಂದ, ಶಿರಹಟ್ಟಿ ಹಾಗೂ ಲಕ್ಷ್ಮೇಶ್ವರ ತಲಾ 11 ತಾಪಂ ಕ್ಷೇತ್ರಗಳನ್ನು ಹೊಂದಿವೆ.
ಜಿಪಂ ಕ್ಷೇತ್ರಗಳು
ಗದಗನ ಹೊಂಬಳ, ಹುಲಕೋಟಿ, ಕುರ್ತಕೋಟಿ, ಲಕ್ಕುಂಡಿ, ಸೊರಟೂರ, ಮುಂಡರಗಿಯ ಡಂಬಳ, ಹಿರೇವಡ್ಡಟ್ಟಿ, ಹಮ್ಮಿಗಿ, ರೋಣದ ಹೊಳೆಆಲೂರ, ಬೆಳವಣಿಕಿ, ಅಬ್ಬಿಗೇರಿ, ಗಜೇಂದ್ರಗಡ ತಾಲೂಕಿನ ಸೂಡಿ, ನಿಡಗುಂದಿ, ನರಗುಂದದ ಕೊಣ್ಣೂರ, ಚಿಕ್ಕನರಗುಂದ, ಶಿರಹಟ್ಟಿಯ ಮಾಗಡಿ, ಬೆಳ್ಳಟ್ಟಿ, ಇಟಗಿ(ಹೆಬ್ಬಾಳ), ಲಕ್ಷ್ಮೇಶ್ವರದ ಶಿಗ್ಲಿ ಸೂರಣಗಿ, ಕ್ಷೇತ್ರಗಳ ಮರು ವಿಂಗಡಣೆಯಿಂದಾಗಿ ಕೋಟುಮಚಗಿ, ಹಿರೇಹಾಳ, ಕಲಕೇರಿ, ಯಳವತ್ತಿ ಹಾಗೂ ಬಾಲೆಹೊಸೂರು ನೂತನ ಜಿಪಂ ಕ್ಷೇತ್ರಗಳಾಗಿ ಸೇರ್ಪಡೆಗೊಂಡಿವೆ.
ತಾಪಂ ಕ್ಷೇತ್ರಗಳು
ಗದಗನ ಬಳಗಾನೂರ, ಹೊಂಬಳ, ಚಿಕ್ಕಹಂದಿಗೋಳ, ಹುಯಿಲಗೋಳ, ಕೋಟುಮಚಗಿ, ಹರ್ಲಾಪೂರ, ಅಡವಿಸೋಮಾಪುರ, ಲಕ್ಕುಂಡಿ, ಅಸುಂಡಿ(ಬಿಂಕದಕಟ್ಟಿ), ಹುಲಕೋಟಿ, ಕುರ್ತಕೋಟಿ, ನಾಗಾವಿ, ಹರ್ತಿ, ಚಿಂಚಲಿ, ಸೊರಟೂರ, ಮುಂಡರಗಿಯ ಜಂತ್ಲಿ(ಕದಾಂಪೂರ), ಡೋಣಿ, ಡಂಬಳ, ಪೇಠಾಲೂರ, ಹಿರೇವಡ್ಡಟ್ಟಿ, ಬಾಗೇವಾಡಿ, ಕಲಕೇರಿ, ಕೊರ್ಲಹಳ್ಳಿ, ಹಮ್ಮಿಗಿ, ರೋಣದ ಮೆಣಸಗಿ, ಯಾವಗಲ್ಲ, ಬೆಳವಣಿಕಿ, ಹೊಳೆಆಲೂರ, ಹುಲ್ಲೂರ, ಹಿರೇಹಾಳ, ಕೊತಬಾಳ, ಇಟಗಿ, ಸವಡಿ, ಜಕ್ಕಲಿ, ಅಬ್ಬಿಗೇರಿ, ಗಜೇಂದ್ರಗಡದ ಶಾಂತಗೇರಿ, ಮುಶೀಗೇರಿ, ಲಕ್ಕಲಕಟ್ಟಿ, ಗುಳಗುಳಿ, ಸೂಡಿ, ಕುಂಟೋಜಿ, ರಾಜೂರ, ಗೋಗೇರಿ, ರಾಂಪೂರ, ನಿಡಗುಂದಿ, ಹಾಲಕೇರಿ, ನರಗುಂದದ ಕೊಣ್ಣೂರ-೧ ಮತ್ತು ೨, ಹಿರೇಕೊಪ್ಪ, ಚಿಕ್ಕನರಗುಂದ, ಕಣಕೀಕೊಪ್ಪ, ಶಿರೋಳ, ರಡ್ಡೇರ ನಾಗನೂರ, ಹದಲಿ, ಸುರಕೋಡ, ಬನಹಟ್ಟಿ, ಹುಣಶೀಕಟ್ಟಿ,
ಶಿರಹಟ್ಟಿಯ ಮಾಗಡಿ, ಛಬ್ಬಿ, ಕಡಕೋಳ, ರಣತೂರ, ಬನ್ನಿಕೊಪ್ಪ, ಬೆಳ್ಳಟ್ಟಿ, ಕೊಂಚಿಗೇರಿ, ಸೇವಾನಗರ, ಕೊಗನೂರ, ಹೆಬ್ಬಾಳ, ಇಟಗಿ, ಲಕ್ಷ್ಮೇಶ್ವರದ ಯಳವತ್ತಿ, ಮಾಡಳ್ಳಿ, ಗೊಜನೂರ, ಅಡರಕಟ್ಟಿ, ಪು.ಬಡ್ನಿ, ದೊಡ್ಡೂರ, ಶಿಗ್ಲಿ, ರಾಮಗೇರಿ, ಸೂರಣಗಿ, ಬಾಲೆಹೊಸೂರ ಹಾಗೂ ಆದರಹಳ್ಳಿ ಸೇರಿ ಜಿಲ್ಲೆಯ ,7 ತಾಲೂಕುಗಳಲ್ಲಿ ಒಟ್ಟು 79 ತಾಪಂ ಕ್ಷೇತ್ರಗಳು ರಚನೆಯಾಗಿವೆ.
