ನಲವಡಿ ಬಳಿ ಟ್ರಾಕ್ಟರ್, ಲಾರಿ ಮಧ್ಯೆ ಭೀಕರ ಅಫಘಾತ

ವಿಜಯಸಾಕ್ಷಿ ಸುದ್ದಿ, ಹುಬ್ಬಳ್ಳಿ

ಟ್ರ್ಯಾಕ್ಟರ್ ಗೆ ಲಾರಿಯೊಂದು ಡಿಕ್ಕಿ ಹೊಡೆದಿದ್ದರಿಂದ ನಾಲ್ವರು ಗಂಭೀರವಾಗಿ ಗಾಯಗೊಂಡ ಘಟನೆ ಅಣ್ಣಿಗೇರಿ ತಾಲೂಕಿನ ನಲವಡಿ ಟೋಲ್ ನಾಕಾ ಬಳಿ ನಡೆದಿದೆ.

ಘಟನೆಯಲ್ಲಿ ನಲವಡಿ ಗ್ರಾಮದ ಪ್ರಕಾಶ ಅಡವಿ (40) ಕಾರ್ತಿಕ (೧೪) ಮಹಾಂತೇಶ ನಲವಡಿ ಗಂಭೀರವಾಗಿ ಗಾಯಗೊಂಡಿದ್ದು, ಇನ್ಬೊಬ್ಬನ ಹೆಸರು ಗೊತ್ತಾಗಿಲ್ಲ.

ಬಿತ್ತನೆ ಮುಗಿಸಿ‌ ಮನೆಯತ್ತ ಹೊರಟಿದ್ದ ರೈತ, ತನ್ನ ಟ್ರಾಕ್ಟರ್ ಹೆದ್ದಾರಿಗೆ ಹತ್ತಿಸಿದ್ದೇ ತಡ ಹುಬ್ಬಳ್ಳಿಯಿಂದ ಗದಗನತ್ತ ಹೊರಟಿದ್ದ ಲಾರಿ ಡಿಕ್ಕಿ ಹೊಡೆದಿದೆ. ಅಪಘಾತದ ರಭಸಕ್ಕೆ ಟ್ರಾಕ್ಟರ್ ಎರಡು ತುಂಡಾಗಿದೆ. ಅದರಲ್ಲಿದ್ದ ರೈತರು ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದ ದೃಶ್ಯ ನೆರದವರ ಕರುಳು ಹಿಂಡುವಂತೆ ಮಾಡಿತು. ಅಪಘಾತದ ಸುದ್ದಿ ತಿಳಿದ ಅಣ್ಣಿಗೇರಿ ಠಾಣೆಯ ಪಿಎಸ್ಐ ಲಾಲ್ ಸಾಬ್ ಜೂಲಕಟ್ಟಿ ಸ್ಥಳಕ್ಕೆ ಭೇಟಿ ನೀಡಿ ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಿದರು. ಅಣ್ಣಿಗೇರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.