ವಿಜಯಸಾಕ್ಷಿ ಸುದ್ದಿ, ಗಂಗಾವತಿ: ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಬಿಜೆಪಿಯಲ್ಲಿ ಯಾವತ್ತೂ ಸೈಡ್‌ಲೈನ್ ಆಗಲ್ಲ. ಅವರು ದೊಡ್ಡ ಶಕ್ತಿ ಎಂದು ಸಾರಿಗೆ ಸಚಿವ ಬಿ.ಶ್ರೀರಾಮುಲು ಹೇಳಿದರು.
ಗಂಗಾವತಿ ತಾಲೂಕಿನ ಪಂಪಾಸರೋವರಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಯಡಿಯೂರಪ್ಪ ಹಾಗೂ ರಾಮುಲು ಬಿಜೆಪಿಯಲ್ಲಿ ಯಾವತ್ತೂ ಸೈಡ್‌ಲೈನ್ ಆಗಲ್ಲ. ನಾವು ಜನರ ಮಧ್ಯೆ ಹೋರಾಟದ ಹಾದಿಯಲ್ಲಿ ಬಂದವರು. ಸೈಡ್‌ಲೈನ್ ಆಗುವ ಪ್ರಮೇಯವೇ ಇಲ್ಲ ಎಂದರು.
ಸಿಂಧಗಿ ಹಾನಗಲ್‌ನಲ್ಲಿ ನಾವು ಈಗಾಗಲೇ ಗೆದ್ದಿದ್ದೇವೆ. ಎಷ್ಟು ಅಂತರದಲ್ಲಿ ಗೆಲ್ತೀವಿ ಅನ್ನೋದು ಮಾತ್ರ ಮುಖ್ಯ.
ಇಂದು ನಾನು ಸಿಂಧಗಿಗೆ ಹೋಗುತ್ತಿದ್ದೇನೆ. ಬೊಮ್ಮಾಯಿ, ಯಡಿಯೂರಪ್ಪ ಇಬ್ಬರು ಪ್ರಚಾರ ಮಾಡುತ್ತಿದ್ದಾರೆ ಎಂದರು
ST ಮೀಸಲಾತಿ ವಿಚಾರದಿಂದ ನಾವು ಹಿಂದೆ ಬರಲ್ಲ. ಕಾನೂನು ತೊಡಕು ಬಗೆಹರಿದ ತಕ್ಷಣ ಕ್ಲೀಯರ್ ಆಗುತ್ತೆ ಎಂದು ತಿಳಿಸಿದರು.
ನಾಲಿಗೆ ಇಲ್ಲದವರಂತೆ ಮಾತನಾಡುವ ಕುಮಾರಸ್ವಾಮಿ ಹೇಳಿಕೆಗೆ ಪ್ರತಿಕ್ರಿಯೆ ಕೊಡಲ್ಲ
ಆರ್ಎಸ್ಎಸ್ ಬಗ್ಗೆ ನಾಲಗೆ ಇಲ್ಲದವರಂತೆ ಮಾತನಾಡುವ ಕುಮಾರಸ್ವಾಮಿ ಹೇಳಿಕೆಗೆ ಪ್ರತಿಕ್ರಿಯೆ ಕೊಡಲ್ಲ ಎಂದು ಸಾರಿಗೆ ಸಚಿವ ಬಿ.ಶ್ರೀರಾಮುಲು ಕಿಡಿ ಕಾರಿದರು.
ದೇಶಕ್ಕೆ ತೊಂದರೆ ಆದಾಗ ಆರ್ಎಸ್ಎಸ್ ಸಂಘಟನೆ ಏನು ಅಂತಾ ತೋರಿಸುತ್ತದೆ. ಸೈನಿಕರ ತರಹ ಆರ್ಎಸ್ಎಸ್ ಕೆಲಸ ಮಾಡ್ತಿದೆ. ಕುಮಾರಸ್ವಾಮಿ ನಾಲಿಗೆ ಇಲ್ಲದಂತೆ ಮಾತಾನಾಡುತ್ತಿದ್ದಾರೆ.
ಅವರಿಗೆ ನಾನು ಉತ್ತರ ಕೊಡಲ್ಲ ಎಂದು ರಾಮುಲು ಲೇವಡಿ ಮಾಡಿದರು.
ಭಯೋತ್ಪಾದಕರಿಂದ ದೇಶಕ್ಕೆ ಕುತ್ತು ಬಂದಾಗ ಆರ್ಎಸ್ಎಸ್ ಕೆಲಸ ಹೇಗಿರುತ್ತೆ ಎಂಬುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಆರ್ಎಸ್ಎಸ್ ಅನ್ನೋದು ಸದಾ ಸ್ವಯಂ ಸೇವೆಗೆ ಸಿದ್ಧ ಎನ್ನುವ ಸಂಘಟನೆ ಎಂದು ಅವರು ಪ್ರತಿಪಾದಿಸಿದರು.
ರಾಜಕಾರಣಕ್ಕಾಗಿ ಅವರೆಲ್ಲ ಟೀಕೆ ಮಾಡ್ತಿದಾರೆ. ಸಂಘಟನೆ ಬಗ್ಗೆ ಟೀಕೆ ಮಾಡೋದು ಶೋಭೆ ತರೋ ಕೆಲಸ ಇಲ್ಲ..
ಕೆಲವರ ವೈಯಕ್ತಿಕ ವಿಚಾರಗಳ ಕುರಿತು ಮಾತನಾಡಲ್ಲ. ನಮ್ಮ ಪ್ರಧಾನ ಮಂತ್ರಿ ಬಗ್ಗೆನೂ ಅವರು ಮಾತಾಡೋದು ತಪ್ಪು ಎಂದು ರಾಮುಲು ಪರೋಕ್ಷವಾಗಿ ಸಿದ್ದರಾಮಯ್ಯ ಹಾಗೂ ಕುಮಾರಸ್ವಾಮಿಯವರನ್ನು ಕುಟುಕಿದರು.
ಹೆಲ್ಪ್‌ಲೆಸ್ ಸರ್ವೀಸ್..!
ಆರ್ಎಸ್ಎಸ್ ಸಂಘಟನೆ ready for self service ಎಂದು ಹೇಳುವಾಗ ತಡಬಡಾಯಿಸಿದ ರಾಮುಲು ಮಾತಿನ ಭರದಲ್ಲಿ ಆರ್ಎಸ್ಎಸ್ ಸಂಘಟನೆಯದ್ದು helpless ಸರ್ವೀಸ್ ಎಂದು ಪೇಚಿಗೆ ಸಿಲುಕಿದರು.