ವಿಜಯಸಾಕ್ಷಿ ಸುದ್ದಿ, ಬೋಟ್ಸವಾನಾ
ವಿಶ್ವದ ಮೂರನೇ ಅತಿ ದೊಡ್ಡ ವಜ್ರ ಪತ್ತೆಯಾಗಿದೆ ಎಂದು ವಜ್ರ ಸಂಸ್ಥೆ ಡಿ ಬೀರ್ಸ್‌ನ ಡೆಬ್ ಸ್ವಾನಾ ಡೈಮಂಡ್ ಕೋ ಘಟಕ ಹೇಳಿದೆ. ಬೋಟ್ಸವಾನಾದಲ್ಲಿ ಜೂ. 1ರಂದು ಜ್ವಾನೆಂಗ್ ಎಂಬಲ್ಲಿ 1098 ಕ್ಯಾರೆಟ್ ತೂಕದ ವಜ್ರದ ಹರಳು ಪತ್ತೆಯಾಗಿದೆ. ಪ್ರಾಥಮಿಕ ವಿಶ್ಲೇಷಣೆಯಲ್ಲಿ, ಈ ಅಮೂಲ್ಯ ಹರಳು ವಿಶ್ವದ ಮೂರನೇ ಅತಿ ದೊಡ್ಡ ವಜ್ರ ಎನ್ನಬಹುದಾಗಿದೆ ಎಂದು ಡೆಬ್ ಸ್ವಾನಾ ವ್ಯವಸ್ಥಾಪಕ ನಿರ್ದೇಶಕ ಲಿನೆಟ್ ಆರ್ಮ್ ಸ್ಟ್ರಾಂಗ್ ಹೇಳಿದ್ದಾರೆ.
ಇದಕ್ಕೂ ಮೊದಲು 1905ರಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ಅತಿ ದೊಡ್ಡ ವಜ್ರದ ಹರಳು ಕುಲಿನನ್ ಪತ್ತೆಯಾಗಿತ್ತು. ಇದು 3106 ಕ್ಯಾರೆಟ್ ನದ್ದಾಗಿತ್ತು. 2015ರಲ್ಲಿ ಆಗ್ನೇಯ ಬೋಟ್ಸುವಾನಾದ ಕರೋವೆಯಲ್ಲಿ 1109 ಕ್ಯಾರೆಟ್ ನ ಲೆಸಿಡಿ ಲಾರೋನಾ ಎಂಬ ವಜ್ರದ ಹರಳು ಪತ್ತೆಯಾಗಿತ್ತು. ಈಗ ಮೂರನೇ ಅತೀ ದೊಡ್ಡ ವಜ್ರ ಪತ್ತೆಯಾಗಿದೆ.
ಬಿಕ್ಕಟ್ಟಿನಲ್ಲಿರುವ ದಕ್ಷಿಣಾ ಆಫ್ರಿಕಾಗೆ ಈ ಒಂದು ವಜ್ರದಿಂದ ಆರ್ಥಿಕವಾಗಿ ನೆರವಾಗುವ ನಿರೀಕ್ಷೆ ಇದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ವಜ್ರ ಮಿಲಿಯನ್‌ ಡಾಲರ್‌ ಗಳಷ್ಟು ಹಣ ತಂದು ಕೊಡುವ ಸಾಧ್ಯತೆ ಇದೆ.