ಚಳಿಗಾಲ ಆರಂಭವಾಗಿದೆ. ದೇಶದ ಅನೇಕ ಭಾಗಗಳಲ್ಲಿ ಸಾಮಾನ್ಯ ಚಳಿ ಇದ್ದರೆ, ಕೆಲ ಭಾಗಗಳಲ್ಲಿ ಮೈಕೊರೆಯುವ ಚಳಿ ಇದೆ. ಕೆಲ ಮಂದಿ ಮಳೆಗಾಲಕ್ಕಾಗಿ ಕಾದರೆ ಇನ್ನೂ ಕೆಲವರು ಚಳಿಗಾಲಕ್ಕಾಗಿ ಕಾಯುತ್ತಾರೆ. ಆದರೆ ಸೀಸನ್ ತಂಪಾದ ವಾತಾವರಣವಂತೂ ನೀಡುವುದೇನೋ ನಿಜ. ಆದರೆ ಇದರಿಂದ ಸಾಕಷ್ಟು ಸವಾಲುಗಳನ್ನು ಸಹ ಎದುರಿಸಬೇಕಾಗುತ್ತದೆ.
ಎಸ್, ಚಳಿಗಾಲದಲ್ಲಿ ತ್ವಚೆ ಕಾಪಾಡಿಕೊಳ್ಳಬೇಕು. ಅಲ್ಲದೇ ಈ ಸೀಸನ್ ನಲ್ಲಿ ಹೆಚ್ಚು ಸ್ನಾನ ಮಾಡಬಾರದು. ಪದೇ ಪದೇ ಸ್ನಾನ ಮಾಡುವುದರಿಂದ ನಿಮ್ಮ ತ್ವಚೆ ಒಣಗುತ್ತದೆ ಮತ್ತು ತುರಿಕೆ ಮತ್ತು ಕೆಟ್ಟ ಬ್ಯಾಕ್ಟೀರಿಯಾಗಳು ಬಿರುಕು ಬಿಟ್ಟ ಚರ್ಮದ ಮೂಲಕ ನಿಮ್ಮ ದೇಹವನ್ನು ಪ್ರವೇಶಿಸಬಹುದು.
ಸ್ನಾನ ಮಾಡುವಾಗ ಈ ತಪ್ಪನ್ನು ಮಾಡಬೇಡಿ:
ಆಂಟಿಬ್ಯಾಕ್ಟೀರಿಯಲ್ ಸೋಪ್‌ಗಳು ಬಹಳಷ್ಟು ಉತ್ತಮ ಬ್ಯಾಕ್ಟೀರಿಯಾಗಳನ್ನು ಕೊಲ್ಲುತ್ತವೆ. ಈ ಕಾರಣದಿಂದಾಗಿ, ಪ್ರತಿಜೀವಕಗಳಿಗೆ ನಿರೋಧಕವಾದ ಕೆಟ್ಟ ಬ್ಯಾಕ್ಟೀರಿಯಾಗಳು ಚರ್ಮವನ್ನು ಪ್ರವೇಶಿಸಬಹುದು. ಕೆಮಿಕಲ್ಯುಕ್ತ ಸಾಬೂನುಗಳು ನಿಮ್ಮ ಚರ್ಮವನ್ನು ಒಣಗಿಸಬಹುದು. ಆದ್ದರಿಂದ, ಹೆಚ್ಚುವರಿ ಎಣ್ಣೆ ಇಲ್ಲದೆ ಸೌಮ್ಯವಾದ ಸೋಪ್, ಸೌಮ್ಯವಾದ ಕ್ಲೆನ್ಸರ್, ಶವರ್ ಜೆಲ್ ಅನ್ನು ಬಳಸಿ.
ವಾರಕ್ಕೊಮ್ಮೆ ಟವೆಲ್ಗಳನ್ನು ತೊಳೆಯಿರಿ:
ಒದ್ದೆಯಾದ ಟವೆಲ್‌ಗಳು ಬ್ಯಾಕ್ಟೀರಿಯಾ, ಯೀಸ್ಟ್, ಫಂಗಸ್ ಮತ್ತು ವೈರಸ್‌ಗಳಿಗೆ ಸಂತಾನೋತ್ಪತ್ತಿ ಮಾಡುವ ಸ್ಥಳವಾಗಿದೆ. ಕೊಳಕು ಟವೆಲ್ ಕಜ್ಜಿ, ನರಹುಲಿಗಳಿಗೆ ಕಾರಣವಾಗಬಹುದು. ಇದನ್ನು ತಪ್ಪಿಸಲು, ವಾರಕ್ಕೊಮ್ಮೆಯಾದರೂ ನಿಮ್ಮ ಟವೆಲ್ ಅನ್ನು ಬದಲಾಯಿಸಿ ಅಥವಾ ತೊಳೆಯಿರಿ ಮತ್ತು ಬಳಕೆಯ ನಂತರ ಸರಿಯಾಗಿ ಒಣಗಿಸಿ.