ಹಾಲು ಕುಡಿಯುವುದರಿಂದ ಆರೋಗ್ಯಕ್ಕೆ ಹಲವು ಪ್ರಯೋಜನಗಳಿವೆ. ಈಗಂತೂ ಹಸುವಿನ ಹಾಲಿನ ಜೊತೆಗೆ ಮೇಕೆ, ಎಮ್ಮೆ ಹಾಲು ಕೂಡ ಫೇಮಸ್ ಆಗುತ್ತಿವೆ. ಆದರೆ, ಮೊದಲಿನಿಂದಲೂ ಎಮ್ಮೆ ಹಾಲು ಮತ್ತು ಹಸುವಿನ ಹಾಲಿನ ನಡುವೆ ಯಾವುದು ಬೆಸ್ಟ್ ಎಂಬ ಬಗ್ಗೆ ಗೊಂದಲ ಇದ್ದೇ ಇದೆ. ಈ ಬಗ್ಗೆ ನಿಮಗೆ ಮಾಹಿತಿ ಇಲ್ಲಿದೆ.
ಹಾಲು ಅತ್ಯಂತ ಪೌಷ್ಟಿಕವಾದ ಆಹಾರ ಎಂಬುದರಲ್ಲಿ ಸಂದೇಹವಿಲ್ಲ. ಹಾಲಿನಲ್ಲಿ ಅತಿ ಹೆಚ್ಚು ಕ್ಯಾಲ್ಸಿಯಂ ಅಂಶ ಇರುವುದರಿಂದ ಇದು ಬಲವಾದ ಮೂಳೆಗಳು ಮತ್ತು ಹಲ್ಲುಗಳಿಗೆ ಅವಶ್ಯಕವಾಗಿದೆ. ಅದರಲ್ಲೂ ಮಕ್ಕಳ ಬೆಳವಣಿಗೆಗೆ ಕ್ಯಾಲ್ಸಿಯಂ ಅತ್ಯಂತ ಉಪಯುಕ್ತವಾದುದು. ದೊಡ್ಡವರಿಗೂ ಆರೋಗ್ಯವಾಗಿರಲು ವೈದ್ಯರು ಪ್ರತಿದಿನ ಹಾಲು ಕುಡಿಯಲು ಶಿಫಾರಸು ಮಾಡುತ್ತಾರೆ. ಆದರೆ ನೀವು ಹಸು ಮತ್ತು ಎಮ್ಮೆ ಹಾಲಿನ ನಡುವೆ ಯಾವುದಾದರೂ ಒಂದನ್ನು ಆಯ್ಕೆ ಮಾಡಬೇಕಾದಾಗ ಯಾವುದು ಉತ್ತಮ? ಎಂಬ ಗೊಂದಲ ಉಂಟಾಗುವುದು ಸಹಜ.
ಹಸು ಮತ್ತು ಎಮ್ಮೆ ಇವರೆಡು ಹಾಲಿನ ಉತ್ಪನ್ನಗಳಿಗಾಗಿಯೇ ಸಾಕುವ ಪ್ರಾಣಿಗಳು. ಅದರಲ್ಲೂ ಆರೋಗ್ಯದ ವಿಷಯದಲ್ಲಿ ಈ ಉಭಯ ಪ್ರಾಣಿಗಳ ಹಾಲು ಬಹಳ ಪ್ರಾಮಖ್ಯತೆಯನ್ನು ಪಡೆದುಕೊಂಡಿವೆ. ಆದರೆ ನಮ್ಮ ನಿಮ್ಮ ಆರೋಗ್ಯಕ್ಕೆ ನಿಜಕ್ಕೂ ಯಾವುದರ ಹಾಲು ಉತ್ತಮ, ಹಸುವಿನದಾ, ಇಲ್ಲ ಎಮ್ಮೆಯದಾ ಎಂಬ ಅನುಮಾನಗಳು ಮೊದಲಿನಿಂದಲೂ ಬಂದಿವೆ. ಕೆಲವು ವಿಚಾರಗಳಲ್ಲಿ ಎಮ್ಮೆ ಹಾಲು ಶ್ರೇಷ್ಠ, ಇನ್ನು ಕೆಲವು ವಿಚಾರಗಳಲ್ಲಿ ಹಸುವಿನ ಹಾಲು ಶ್ರೇಷ್ಠ. ಆರೋಗ್ಯದ ವಿಚಾರಕ್ಕೆ ಬಂದಲ್ಲಿ ಈ ಎರಡು ಪ್ರಾಣಿಗಳಲ್ಲಿ ಯಾವ ಪ್ರಾಣಿಯ ಹಾಲು ಉತ್ತಮ ಅನ್ನೋದನ್ನ ನೋಡುವುದಾದ್ರೆ.
ಫ್ಯಾಟ್ ವಿಚಾರದಲ್ಲಿ ನೋಡುವುದಾದ್ರೆ ಎಮ್ಮೆಯ ಹಾಲು ಹಸುವಿನ ಹಾಲಿಗಿಂತ ಡಬಲ್ ಫ್ಯಾಟ್ ಹೊಂದಿರುತ್ತದೆ. ಕ್ರಿಮೀಯರ್ ಹಾಗೂ ಮತ್ತು ಅತಿಹೆಚ್ಚು ಕ್ಯಾಲರೀಸ್ ವಿಚಾರವಾಗಿ ಆಯ್ಕೆ ಮಾಡುವುದಾದ್ರೆ ಮತ್ತು ತೂಕವನ್ನು ಕಾಯ್ದುಕೊಳ್ಳುವ ವಿಚಾರದಲ್ಲಿ ನೋಡುವುದಾದ್ರೆ ಹಸುವಿನ ಹಾಲು ಉತ್ತಮ ಆಯ್ಕೆ.
ಕರುಳಿನ ಆರೋಗ್ಯಕ್ಕೆ ಹಾಗೂ ತೂಕ ನಿರ್ವಹಣೆಗೆ ಹಸುವಿನ ಹಾಲು ಅತ್ಯುತ್ತಮ ಆಯ್ಕೆ ಎಂದು ಹೇಳಲಾಗುತ್ತದೆ. ಮತ್ತೊಂದು ಕಡೆ ಶಕ್ತಿಬಲವರ್ಧನೆಗೆ ಮತ್ತು ಅತಿಹೆಚ್ಚು ನ್ಯೂಟ್ರಿಷನ್ಗಳು ಬೇಕಾದಲ್ಲಿ ಎಮ್ಮೆಯ ಹಾಲನ್ನು ನೀವು ಆಯ್ಕೆ ಮಾಡಿಕೊಳ್ಳಬಹುದು.
ಇನ್ನು ಪ್ರೊಟೀನ್ ಹಾಗೂ ನ್ಯೂಟ್ರಿಯಂಟ್ಸ್ ವಿಚಾರದಲ್ಲಿ ನೋಡುವುದಾದ್ರೆ ಎಮ್ಮೆಯ ಹಾಲಿನಲ್ಲಿ ಪ್ರೊಟೋನ್ ಅಂಶ ಆಕಳು ಹಾಲಿಗಿಂತಲೂ ಹೆಚ್ಚು ಇರುತ್ತದೆ. ಅದರಲ್ಲಿರುವ ಕ್ಯಾಲ್ಸಿಯಂ ಹಾಗೂ ಪ್ರೊಸ್ಪರಸ್ ಅಂಶ ಸ್ನಾಯು ಹಾಗೂ ಎಲಬುಗಳು ಗಟ್ಟಿಯಾಗಲು ಅತ್ಯಂತ ಸಹಾಯಕರ. ಆದ್ರೆ ಎಮ್ಮೆಯ ಹಾಲಿನಲ್ಲಿರುವ ಪ್ರೊಟೀನ್ ಅಂಶ ಜೀರ್ಣಕ್ರಿಯೆಗೆ ಸಹಾಯಕವಾಗು ನಿಟ್ಟಿನಲ್ಲಿ ಹಸುವಿನ ಹಾಲಿಗಿಂತ ಕಳಪೆ ಎನ್ನಲಾಗುತ್ತದೆ.
ಸರಳವಾಗಿ ಜೀರ್ಣಗೊಳ್ಳುವ ವಿಚಾರದಲ್ಲಿ ಈ ಎರಡು ಪ್ರಾಣಿಗಳ ಹಾಲನ್ನು ಹೋಲಿಸಿ ನೋಡಿದಾಗ. ಹಸುವಿನ ಹಾಲಿನಲ್ಲಿ ಕಡಿಮೆ ಪ್ರೊಟೀನ್ ಮತ್ತು ಕೊಬ್ಬು ಇರುತ್ತದೆ. ಇದು ತುಂಬಾ ಸರಳವಾಗಿ ಜೀರ್ಣವಾಗುತ್ತದೆ. ಅದರಲ್ಲೂ ಮಕ್ಕಳಿಗೆ ನೀಡುವ ಹಾಲಿನ ವಿಷಯದಲ್ಲಿ ಹಸುವಿನ ಹಾಲು ಶ್ರೇಷ್ಠ ಉಳಿದಂತೆ ದೊಡ್ಡವರು ಎಮ್ಮೆಯ ಹಾಲನ್ನು ಸೇವಿಸಬಹುದು ಆದ್ರೆ ಸೂಕ್ಷ್ಮ ಹೊಟ್ಟೆಯ ಅಂದ್ರೆ ಜೀರ್ಣಶಕ್ತಿ ಸೂಕ್ಷ್ಮತೆ ಹೊಂದಿದವರು ಎಮ್ಮೆಯ ಹಾಲಿನಿಂದ ದೂರ ಉಳಿಯುವುದು ಒಳ್ಳೆಯದು.
ಎಮ್ಮೆಯ ಹಾಲು ಡೈರಿ ಉತ್ಪನ್ನಗಳಾದ ಪನ್ನೀರ್ ಮತ್ತು ತುಪ್ಪವನ್ನು ಮಾಡಲು ತುಂಬಾ ಉಪಯುಕ್ತವಾದ ಹಾಲು ಎನ್ನಲಾಗಿದೆ.