ಪೊಸೇಸೀವ್ ಗಂಡನಿಂದ ಸಮೀಕ್ಷೆ ಅಧಿಕಾರಿಗಳ ಮೇಲೆ ಹಲ್ಲೆ; ಅಷ್ಟಕ್ಕೂ ಏನಾಯ್ತು?

ಬೆಂಗಳೂರು: ಹೆಂಡತಿಯ ನಂಬರ್ ಪಡೆದ ಸಮೀಕ್ಷೆದಾರರ ಮೇಲೆ ಪೊಸೇಸೀವ್ ಗಂಡನಿಂದ ಹಲ್ಲೆ ನಡೆದಿರುವ ಘಟನೆ ಅಶೋಕ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಜರುಗಿದೆ.

ಗ್ರೇಟರ್ ಬೆಂಗಳೂರು ಪ್ರಾಧಿಕಾರದ ಆದೇಶದಂತೆ ನಡೆಯುತ್ತಿರುವ ಸಮೀಕ್ಷೆ ಕಾರ್ಯದಲ್ಲಿ ಜೂನಿಯರ್ ಅಸಿಸ್ಟೆಂಟ್ ಅಭಿಷೇಕ್ ನೇತೃತ್ವದ ತಂಡ ಸ್ಟೀಫನ್@ಅನಿಲ್ ಅವರ ಮನೆಯ ಬಳಿ ಭೇಟಿ ನೀಡಿತ್ತು. ಮನೆಯಲ್ಲಿದ್ದವರು ಅವರ ಪತ್ನಿ ಮಾತ್ರ. ಸಮೀಕ್ಷೆ ಸಲುವಾಗಿ ಫೋನ್ ನಂಬರ್ ಮತ್ತು ಆಧಾರ್ ಕಾರ್ಡ್ ಫೋಟೋ ತೆಗೆದುಕೊಂಡ ಅಧಿಕಾರಿಗಳು ನಂತರ ಶೈಕ್ಷಣಿಕ ಮಾಹಿತಿಯನ್ನು ಸಂಗ್ರಹಿಸಿ ತೆರಳಿದ್ದರು.

ಆತನ ಗಂಡ ಸ್ಟೀಫನ್@ಅನಿಲ್ ಬಳಿಕ ಅಧಿಕಾರಿಗಳನ್ನು ಹುಡುಕಿ, “ತಾನು ಇಲ್ಲದಾಗ, ಮನೆಗೆ ಹೇಗೆ ಬಂದು ಫೋನ್ ನಂಬರ್ ಫೋಟೋ ಪಡೆದಿರಿ?” ಎಂದು ಅವಾಝ್ ಮಾಡುತ್ತ, ಮುಖಕ್ಕೆ ಪಂಚ್ ಮಾಡಿ ಹಲ್ಲೆ ಮಾಡಿದ್ದಾನೆ. ಇದರಿಂದ ಬೆದರಿದ ಅಧಿಕಾರಿಗಳು ಅಲ್ಲಿಂದ ತಪ್ಪಿಸಿಕೊಂಡು ಬಂದು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಇದೀಗ ತನಿಖೆ ಮುಂದುವರಿಸಿದ್ದಾರೆ.