ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಅಲ್ಲೋಲ, ಕಲ್ಲೋಲ; ಗುಂಡಿನ ಚಕಮಕಿಯಲ್ಲಿ ಐವರು ನಾಗರಿಕರ ಸಾವು

Vijayasakshi (Gadag News) :

ವಿಜಯಸಾಕ್ಷಿ ಸುದ್ದಿ, ನವದೆಹಲಿ

ತಾಲಿಬಾನ್ ಉಗ್ರರಿಗೆ ಹೆದರಿ ವಿದೇಶಿಯರು ದೇಶದಿಂದ ಪರಾರಿಯಾಗಲು ಕಾಬೂಲ್ ನ ಹಮೀದ್ ಕರ್ಜೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಮುಗಿಬಿದ್ದಿರುವ ಕಾರಣ ನಿಲ್ದಾಣದಲ್ಲಿ ಅಲ್ಲೋಲ, ಕಲ್ಲೋಲ ಉಂಟಾಗಿದೆ.

ತಾಲಿಬಾನ್ ಉಗ್ರರು ಅಪಘಾನಿಸ್ಥಾನ್ ರಾಜ್ಯಧಾನಿ ಕಾಬೂಲ್ ವಶಕ್ಕೆ ಪಡೆದಿದ್ದರೂ ಕರ್ಜೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದತ್ತ ಬಂದಿಲ್ಲ. ಆದರೂ ನಿಲ್ದಾಣದಲ್ಲಿ ಗುಂಡಿನ ಚಕಮಕಿಯ ಶಬ್ದ ಕೇಳಿಬರುತ್ತಿದ್ದು, ಐವರು ನಾಗರಿಕರು ಮೃತಪಟ್ಟಿದ್ದಾರೆ.

ತನ್ನ ನಾಗರಿಕರನ್ನು ಮರಳಿ ಸ್ವದೇಶಕ್ಕೆ ಸುರಕ್ಷಿತವಾಗಿ ಕರೆಸಿಕೊಳ್ಳಲು ಅಮೇರಿಕದ 3ಸಾವಿರಕ್ಕೂ ಅಧಿಕ ಸೈನಿಕರನ್ನು ರವಾನಿಸಿದೆ. ಈ ಸೈನಿಕರು ಕಾಬೂಲ್ ವಿಮಾನ ನಿಲ್ದಾಣದಲ್ಲಿ
ಬೀಡುಬಿಟ್ಟಿದ್ದಾರೆ.

ಅಮೆರಿಕ ವಿಮಾನಗಳು ನಿಲ್ದಾಣಕ್ಕೆ ಬಂದಿಳಿಯುತ್ತಿದ್ದು, ವಿಮಾನ ಹತ್ತಲು ಜನರು ಮುಗಿಬೀಳುತ್ತಿದ್ದಾರೆ. ರನ್ ವೇ ಗೆ ವಿಮಾನ ಆಮಿಸುತ್ತಿದ್ದಂತೆ ಅಮೆರಿಕನ್ನರು ಎದ್ದೆವೊ ಬಿದ್ದೆವೋ ಎಂದು ವಿಮಾನ ಬೆನ್ನಟ್ಟಿ ಓಡುತ್ತಿದ್ದಾರೆ.

ವಿಮಾನ ನಿಲ್ಲುತ್ತಿದ್ದಂತೆಯೇ ಜನರು ಒಬ್ಬರ ಮೇಲೊಬ್ಬರು ಬಿದ್ದು ಮೇಲೇರುತ್ತಿದ್ದಾರೆ.
ಈ ಮಧ್ಯೆ ಕಾಬೂಲ್ ವಿಮಾನ ನಿಲ್ದಾಣದ ಚಿಂತಾಜನಕ ಸ್ಥಿತಿ ಕಂಡು ಭಾರತ ತನ್ನ ಪ್ರಜೆಗಳನ್ನು ಕರೆತರಲು ಕಾಬೂಲ್ ಗೆ ಕಳಿಸಲು ನಿರ್ಧರಿಸಿದ್ದ ಎರಡು ವಿಮಾನಗಳ ಸೇವೆ ರದ್ದುಗೊಳಿಸಿದೆ.

ಮತ್ತೊಂದೆಡೆ ಪ್ರಧಾನಿ ನಿವಾಸದಲ್ಲಿ ತಾಲಿಬಾನ್ ಉಗ್ರರು ಮುಖಂಡರು ಬೀಡು ಬಿಟ್ಟು ಮುಂದಿನ ಹೆಜ್ಜೆಗಳ ಕುರಿತು ಚರ್ಚೆ ನಡೆಸುತ್ತಿದ್ದಾರೆ. ಕಾಬೂಲ್ ನ ಬೀದಿ ಬೀದಿಗಳಲ್ಲಿ ಜನರು ಲಗೇಜ್ ತೆಗೆದುಕೊಂಡು ಪಲಾಯಣ ಮಾಡುತ್ತಿರುವ ದೃಶ್ಯಗಳು ಕಂಡುಬರುತ್ತಿದೆ.

ಅಪಘಾನ್ ಸೈನಿಕರ ಸ್ಥಾನದಲ್ಲಿ ಈಗ ತಾಲಿಬಾನ್ ಉಗ್ರರು ನಿಂತಿದ್ದು, ಕಾಬೂಲ್ ನಿಂದ ಹೊರಹೋಗುವ ಪ್ರತಿಯೊಂದು ವಾಹನ ತಪಾಸಣೆ ನಡೆಸಿ ಬಿಡುತ್ತಿದ್ದಾರೆ. ಒಟ್ಟಾರೆ ಅಪಘಾನಿಸ್ಥಾನದ ಸ್ಥಿತಿ ಚಿಂತಾಜನಕವಾಗಿದ್ದು, ಮುಂದೇನು ಮಾಡುವುದು ಎಂಬ ಚಿಂತೆ ಅಲ್ಲಿನ ಜನರನ್ನು ಕಾಡುತ್ತಿದೆ.

ಕ್ಷಣ ಕ್ಷಣದ ಸುದ್ದಿ, ಮಾಹಿತಿ ಮನೋರಂಜನೆಗಾಗಿ ನಮ್ಮ FacebookTwitterYouTube ಅನುಸರಿಸಿKannada News Kannada News Today
Leave A Reply

Your email address will not be published.

five × four =