ಶ್ರೀಹರಿಕೋಟಾ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಇಂದು ಬೆಳಗ್ಗೆ 10:18ಕ್ಕೆ PSLV-C62 ರಾಕೆಟ್ ಅನ್ನು ಉಡಾವಣೆ ಮಾಡಿತ್ತು. ಈ ಮಿಷನ್ ಅನ್ವೇಶಾ/EOS- N1 ಉಪಗ್ರಹ ಹಾಗೂ 14 ಸಣ್ಣ ಉಪಗ್ರಹಗಳನ್ನು ತಲುಪಿಸುವ ಉದ್ದೇಶ ಹೊಂದಿತ್ತು.
ಪ್ರಾರಂಭಿಕ ಹಂತದಲ್ಲಿ ರಾಕೆಟ್ ಸಾಧಾರಣವಾಗಿ ಹಾರುವ ಕಾರ್ಯವನ್ನು ಯಶಸ್ವಿಯಾಗಿ ನಿರ್ವಹಿಸಿತು. ಆದರೆ ಮೂರನೇ ಹಂತದಲ್ಲಿ ತಾಂತ್ರಿಕ ದೋಷ ಕಂಡು ಬಂದುದರಿಂದ ಮಿಷನ್ ಯಶಸ್ವಿಯಾಗಲಿಲ್ಲ ಎಂದು ISRO ಅಧಿಕೃತವಾಗಿ ಹೇಳಿದೆ.
“PSLV-C62 ಮಿಷನ್ ಆರಂಭ ಚೆನ್ನಾಗಿತ್ತು. ಆದರೆ ಮೂರನೇ ಹಂತದ ಅಂತ್ಯದ ವೇಳೆಗೆ ವಾಹನ ತನ್ನ ಪಥದಲ್ಲಿ ಬದಲಾವಣೆ ಕಂಡು, ನಿರೀಕ್ಷಿತ ಕಾರ್ಯಕ್ಷಮತೆಯನ್ನು ತಲುಪಲಿಲ್ಲ. ನಾವು ಲಭ್ಯವಿರುವ ಡೇಟಾವನ್ನು ವಿಶ್ಲೇಷಿಸಿ ಶೀಘ್ರವೇ ವಿಫಲತೆಯ ನಿಖರ ಕಾರಣವನ್ನು ಪತ್ತೆ ಮಾಡಲಿದ್ದೇವೆ ಎಂದು ISRO ಅಧ್ಯಕ್ಷ ವಿ ನಾರಾಯಣನ್ ತಿಳಿಸಿದ್ದಾರೆ.
