ರಾಮನಗರದಲ್ಲಿ ನಡೆಯುತ್ತಿರುವ ಬಿಗ್ ಬಾಸ್ ಕಾರ್ಯಕ್ರಮ ಮತ್ತೊಂದು ವಿವಾದಕ್ಕೆ ಸಿಲುಕಿದೆ. ರಣಹದ್ದು ಸಂರಕ್ಷಣಾ ಟ್ರಸ್ಟ್ ತಪ್ಪು ಮಾಹಿತಿ ಹರಡಲಾಗಿದೆ ಎಂದು ದೂರು ನೀಡಿದ ಹಿನ್ನೆಲೆಯಲ್ಲಿ, ಅರಣ್ಯ ಇಲಾಖೆ ಕಾರ್ಯಕ್ರಮದ ಹೆಡ್ಗೆ ನೋಟಿಸ್ ಜಾರಿ ಮಾಡಿದೆ.
ವಾರದ ಕಥೆ ಕಿಚ್ಚನ ಜೊತೆ ಕಾರ್ಯಕ್ರಮದಲ್ಲಿ, ರಣಹದ್ದಿನ ಗುಣಗಳನ್ನು ತಪ್ಪಾಗಿ ವಿವರಿಸುವ ಮೂಲಕ “ಹೊಂಚು ಹಾಕಿ ಸಂಚು ಮಾಡಿ ಲಬಕ್ ಅಂತ ಹಿಡಿಯುವುದು” ಎಂದು ಹೇಳಿದ್ದಾರೆ. ರಣಹದ್ದುಗಳು ಬೇಟೆಯಾಡುವುದಿಲ್ಲ, ಹದ್ದು ಮತ್ತು ರಣಹದ್ದಿನ ವ್ಯತ್ಯಾಸವೂ ಸ್ಪಷ್ಟವಾಗಿದೆ. ಈ ತಪ್ಪು ವಿವರಣೆ ಪಕ್ಷಿ ಪ್ರೇಮಿಗಳ ಮನಸ್ಸಿನಲ್ಲಿ ಬೇಸರ ಮೂಡಿಸಿದೆ.
ಕೆಲವಾರಗಳ ಹಿಂದೆ ನಡೆದ ಸ್ಪರ್ಧಿಗಳ ಟಾಸ್ಕ್ನಲ್ಲಿ, ರಣಹದ್ದಿನ ಫೋಟೋ ಬಳಸಿ ವ್ಯಕ್ತಿಯ ಗುಣಕ್ಕೆ ಹೋಲಿಕೆ ಮಾಡಲಾಗಿತ್ತು. ಈ ಘಟನೆಯ ನಂತರ, ಡಿಆರ್ಎಫ್ಓ ಸುಷ್ಮಾ ನೋಟಿಸ್ ನೀಡಿದ್ದು, ಖಾಸಗಿ ಚಾನಲ್ ಸ್ಪಷ್ಟೀಕರಣ ನೀಡಬೇಕಾಗಿ ತಿಳಿಸಲಾಗಿದೆ. ಈ ಮೂಲಕ ಹದ್ದು–ರಣಹದ್ದುಗಳ ವಿಭಿನ್ನತೆಯನ್ನು ಹಾಗೂ ರಕ್ಷಣೆ ಮುಖ್ಯತೆಯನ್ನು ಸಾರ್ವಜನಿಕರಿಗೆ ತಿಳಿಸುವ ಪ್ರಯತ್ನ ಮಾಡಲಾಗಿದೆ.
