ಬೆಂಗಳೂರು: ರಾಜಧಾನಿ ಬೆಂಗಳೂರು ಸೇರಿ ಮಂಗಳೂರಿನ ವಾಯು ಗುಣಮಟ್ಟ ತೀವ್ರ ಹದಗೆಟ್ಟಿದ್ದು, ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ.
ಎಸ್, ರಾಜ್ಯದ ಹಲವು ನಗರಗಳ ವಾಯು ಗುಣಮಟ್ಟ ತೀವ್ರವಾಗಿ ಕುಸಿದಿದ್ದು, ಆತಂಕ ಸೃಷ್ಟಿಸಿದೆ.
ಬೆಂಗಳೂರಿನಲ್ಲಿ ಏರ್ ಕ್ವಾಲಿಟಿ ಇಂಡೆಕ್ಸ್ (AQI) 135 ಆಗಿ “ಕಳಪೆ” ಮಟ್ಟವನ್ನು ತಲುಪಿದ್ದು, ಮಂಗಳೂರಿನಲ್ಲಿ 194 ರೊಂದಿಗೆ “ಅನಾರೋಗ್ಯಕರ” ಮಟ್ಟವಾಗಿದೆ. ಮೈಸೂರು 156, ಬೆಳಗಾವಿ 170, ಕಲಬುರ್ಗಿ 146, ಶಿವಮೊಗ್ಗ 179, ಬಳ್ಳಾರಿ 152, ಹುಬ್ಬಳ್ಳಿ 159, ಉಡುಪಿ 179, ವಿಜಯಪುರ 146 ರಂತೆ ಇತರ ನಗರಗಳಲ್ಲೂ ವಾಯು ಗುಣಮಟ್ಟ ಆರೋಗ್ಯಕ್ಕೆ ಹಾನಿಕರವಾಗಿದೆ.
WHO ಮಾನದಂಡದ ಪ್ರಕಾರ, ಈ ಮಟ್ಟದ ವಾಯು ಉಸಿರಾಡುವುದು ದೀರ್ಘಕಾಲ ಆರೋಗ್ಯದ ಮೇಲೆ ತೀವ್ರ ಪರಿಣಾಮ ಬೀರುತ್ತದೆ. ಸಾರ್ವಜನಿಕರಿಗೆ ಹೊರಗೆ ಹೆಚ್ಚು ಸಮಯ ಕಳೆದರೆ ಮಾಸ್ಕ್ ಧರಿಸುವುದು, ಗಾಳಿ ಶುದ್ಧೀಕರಣ ಉಪಕರಣಗಳನ್ನು ಬಳಸುವುದು ಮತ್ತು ವಾಯು ಮಾಲಿನ್ಯ ಇರುವ ಪ್ರದೇಶವನ್ನು ತಪ್ಪಿಸುವುದು ಸೂಕ್ತ ಎಂದು ತಜ್ಞರು ಸೂಚಿಸಿದ್ದಾರೆ
