ಟಾಲಿವುಡ್ನ ಹಾಟ್ ಜೋಡಿ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರ ಮದುವೆ ಸಂಭ್ರಮ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್ ಆಗಿದೆ. ಫೆಬ್ರವರಿ 26ರಂದು **ಉದಯಪುರ**ದಲ್ಲಿ ನಡೆಯಲಿರುವ ಈ ಅದ್ದೂರಿ ಮದುವೆಗೆ ‘ವಿರೋಷ್’ ಎಂದು ಹೆಸರು ಇಟ್ಟಿದ್ದಾರೆ.
ಕುಟುಂಬ ಮತ್ತು ಆಪ್ತರ ಸಮ್ಮುಖದಲ್ಲಿ ವಿವಾಹ ನಡೆಯಲಿದ್ದು, ಮಾರ್ಚ್ 04ರಂದು **ಹೈದರಾಬಾದ್**ನಲ್ಲಿ ಆರತಕ್ಷತೆ ನಡೆಯಲಿದೆ ಎಂಬ ವರದಿ ಇದೆ.
ಈ ನಡುವೆ ವಿಜಯ್ ಪಾಲಕರು ಭಾವಿ ಸೊಸೆ ಬಗ್ಗೆ ಹೇಳಿದ್ದ ಮಾತುಗಳು ಮತ್ತೆ ವೈರಲ್ ಆಗಿವೆ. ಸಕ್ಸಸ್ ಮೀಟ್ನಲ್ಲಿ ಮಾತನಾಡಿದ ವಿಜಯ್ ತಾಯಿ ಮಾಧವಿ, “ನಮ್ಮ ಮಗನನ್ನು ಚೆನ್ನಾಗಿ ನೋಡಿಕೊಳ್ಳಬೇಕು. ಅವನನ್ನು ಬೇಷರತ್ತಾಗಿ ಪ್ರೀತಿಸಬೇಕು. ಚಿತ್ರರಂಗದ ಒತ್ತಡಗಳನ್ನು ಅರ್ಥಮಾಡಿಕೊಳ್ಳಬೇಕು” ಎಂದು ಷರತ್ತು ಹೊರಹಾಕಿದ್ದರು.
ವಿಜಯ್ ತಂದೆ ಗೋವರ್ಧನ್ ರಾವ್ ಮತ್ತಷ್ಟು ಸ್ಪಷ್ಟವಾಗಿ, “ಅವನು ಇಷ್ಟಪಟ್ಟ ಹುಡುಗಿಯೇ ಸರಿ. ಜಾತಿ-ಧರ್ಮ ಬೇಡ. ಭಾರತೀಯಳಾಗಿದ್ದು, ದಕ್ಷಿಣದ ಹುಡುಗಿಯಾಗಿದ್ದರೆ ನನಗೆ ಸಂತೋಷ” ಎಂದು ಹೇಳಿದ್ದರು.
ಈ ಹೇಳಿಕೆಗಳ ಬೆನ್ನಲ್ಲೇ ವಿಜಯ್-ರಶ್ಮಿಕಾ ವಿವಾಹದ ಸುದ್ದಿ ಮತ್ತಷ್ಟು ಚರ್ಚೆಗೆ ಗ್ರಾಸವಾಗಿದೆ. ‘ವಿರೋಷ್’ ಮದುವೆ ಇದೀಗ ಫ್ಯಾನ್ಸ್ಗೆ ಹಬ್ಬದ ಸಂಭ್ರಮವಾಗುತ್ತಿದೆ.
