ಬೆಂಗಳೂರು: ಇಂದಿನಿಂದ ರಾಜಧಾನಿ ಬೆಂಗಳೂರಿನಲ್ಲಿ ನೀರಿನ ಶುಲ್ಕ ಶೇ.3% ರಷ್ಟು ಹೆಚ್ಚಳವಾಗಲಿದ್ದು, ಸಿಟಿ ಮಂದಿಗೆ ಮತ್ತಷ್ಟು ಹೊರೆಯಾಗಲಿದೆ.
ಆರ್ಥಿಕ ಸಂಕಷ್ಟದಿಂದ ಹೊರಬರುವ ಉದ್ದೇಶದೊಂದಿಗೆ ಜಲಮಂಡಳಿಯು ಈ ನಿರ್ಧಾರ ಕೈಗೊಂಡಿದೆ. ಪ್ರತಿ ವರ್ಷದಂತೆ ಆರ್ಥಿಕ ಸಮತೋಲನವನ್ನ ಸರಿದೂಗಿಸಲು ಶೇ.3 ರಷ್ಟು ನೀರಿನ ಶುಲ್ಕ ಹೆಚ್ಚಿಸಿದೆ. ಈ ತಿಂಗಳ ಬಿಲ್ನಿಂದಲೇ ದರ ಅನ್ವಯವಾಗಲಿದೆ. ಪರಿಣಾಮ ಏಪ್ರಿಲ್ ತಿಂಗಳಿನಿಂದ ಗೃಹ ಬಳಕೆದಾರರಿಗೆ ಮಾಸಿಕ ಸರಾಸರಿ 20 ರಿಂದ 30 ರೂ. ಹೆಚ್ಚುವರಿ ನೀರಿನ ಬಿಲ್ ಬರುವ ಸಾಧ್ಯತೆಗಳಿವೆ ಎನ್ನಲಾಗಿದೆ.
ಪರಿಷ್ಕೃತ ದರ ಹಿನ್ನೆಲೆ ಗೃಹ ಬಳಕೆದಾರರಿಗೆ ಸ್ಲ್ಯಾಬ್ ಗಳ ಆಧಾರದಡಿ ಸುಮಾರು ಪ್ರತಿ ಲೀಟರ್ ಗೆ 0.15 ಪೈಸೆಯಿಂದ 1 ಪೈಸೆವರೆಗೆ ಹೆಚ್ಚಳವಾಗಲಿದೆ. ವಾಣಿಜ್ಯ ಬಳಕೆದಾರರಿಗೆ ಪ್ರತಿ ಲೀಟರ್ಗೆ 1.90 ಪೈಸೆ ಏರಿಕೆ ಆಗಲಿದೆ. ಕಳೆದ ವರ್ಷವೂ ಇದೇ ಮಾದರಿಯಲ್ಲಿ ನೀರು ಬಳಕೆ ಶುಲ್ಕ ಹೆಚ್ಚಿಸಲಾಗಿತ್ತು. ಇದೀಗ ಏಪ್ರಿಲ್ ತಿಂಗಳಿನಿಂದ ಅನ್ವಯವಾಗುವಂತೆ ಮತ್ತೆ ಶೇ.3ರಷ್ಟು ನೀರಿನ ಬಿಲ್ ಹೆಚ್ಚಳ ಮಾಡಲಾಗುತ್ತಿದೆ.
ಗೃಹ ಬಳಕೆದಾರರ ದರಸಂಶೋಧನೆ:
- 8,000 ಲೀಟರ್ ಒಳಗಿನ ಬಳಕೆ: ಲೀಟರ್ ಗೆ 0.15 ಪೈಸೆ
- 8,000–25,000 ಲೀಟರ್ ಬಳಕೆ: ಲೀಟರ್ ಗೆ 0.30 ಪೈಸೆ
- 25,000–50,000 ಲೀಟರ್ ಬಳಕೆ: ಲೀಟರ್ ಗೆ 0.80 ಪೈಸೆ
- 50,000–1 ಲಕ್ಷ ಲೀಟರ್ ಬಳಕೆ: ಲೀಟರ್ ಗೆ 1 ಪೈಸೆ
ವಾಣಿಜ್ಯ ಬಳಕೆದಾರರ ದರಸಂಶೋಧನೆ:
- 10,000 ಲೀಟರ್ ಒಳಗಿನ ಬಳಕೆ: ಲೀಟರ್ ಗೆ 1 ಪೈಸೆ
- 10,000–25,000 ಲೀಟರ್ ಬಳಕೆ: ಲೀಟರ್ ಗೆ 1.30 ಪೈಸೆ
- 25,000–50,000 ಲೀಟರ್ ಬಳಕೆ: ಲೀಟರ್ ಗೆ 1.50 ಪೈಸೆ
- 50,000–75,000 ಲೀಟರ್ ಬಳಕೆ: ಲೀಟರ್ ಗೆ 1.90 ಪೈಸೆ
