ಮುಂಬೈ: ರಣಬೀರ್ ಕಪೂರ್, ಯಶ್ ಹಾಗೂ ಸಾಯಿ ಪಲ್ಲವಿ ಅಭಿನಯದ ಭಾರತದ ಅತಿ ದೊಡ್ಡ ಸಿನಿಮಾಗಳಲ್ಲಿ ಒಂದಾದ ‘ರಾಮಾಯಣ’ ಚಿತ್ರದ ಟ್ರೈಲರ್ಗೆ ಸೆನ್ಸಾರ್ ಮಂಡಳಿಯಿಂದ ಅಧಿಕೃತ ಅನುಮೋದನೆ ದೊರೆತಿದೆ. ನಾಲ್ಕು ನಿಮಿಷಕ್ಕೂ ಅಧಿಕ ಅವಧಿಯ ಟ್ರೈಲರ್ಗೆ ‘U’ ಪ್ರಮಾಣಪತ್ರ ಸಿಕ್ಕಿದ್ದು, ಶೀಘ್ರದಲ್ಲೇ ದೇಶಾದ್ಯಂತ ಚಿತ್ರಮಂದಿರಗಳಲ್ಲಿ ಪ್ರದರ್ಶನವಾಗಲಿದೆ.
ಸಿಬಿಎಫ್ಸಿ ವೆಬ್ಸೈಟ್ನಲ್ಲಿ ಪ್ರಕಟವಾದ ಮಾಹಿತಿಯಂತೆ, ಚಿತ್ರತಂಡ ಎರಡು ಟ್ರೈಲರ್ಗಳನ್ನು ಪ್ರಮಾಣೀಕರಣಕ್ಕೆ ಸಲ್ಲಿಸಿತ್ತು. ಮೊದಲ ಟ್ರೈಲರ್ 4 ನಿಮಿಷ 15 ಸೆಕೆಂಡು, ಎರಡನೇ ಥಿಯೇಟ್ರಿಕಲ್ ಟ್ರೈಲರ್ 4 ನಿಮಿಷಗಳ ಅವಧಿ ಹೊಂದಿದ್ದು, ಎರಡಕ್ಕೂ ‘U’ ಪ್ರಮಾಣಪತ್ರ ಲಭಿಸಿದೆ.
ಟ್ರೈಲರ್ಗೆ ಸೆನ್ಸಾರ್ ಮಾಡಿಸಿರುವುದರಿಂದ ಅದನ್ನು ಕೇವಲ ಆನ್ಲೈನ್ನಲ್ಲಿ ಮಾತ್ರವಲ್ಲ, ಪ್ರಮುಖ ಚಿತ್ರಮಂದಿರಗಳಲ್ಲೂ ಪ್ರದರ್ಶಿಸಲು ಚಿತ್ರತಂಡ ಸಜ್ಜಾಗಿದೆ ಎನ್ನುವುದು ಸ್ಪಷ್ಟವಾಗಿದೆ.
ಈ ಹಿಂದೆ ಬಿಡುಗಡೆಯಾಗಿದ್ದ ‘ರಾಮ’ ಟೀಸರ್ ಪ್ರೇಕ್ಷಕರಲ್ಲಿ ಅಪಾರ ಕುತೂಹಲ ಮೂಡಿಸಿತ್ತು. ಈಗ ಮೆಗಾ ಟ್ರೈಲರ್ ಮೂಲಕ ಚಿತ್ರದ ಭವ್ಯತೆ ಮತ್ತು ದೃಶ್ಯ ವೈಭವವನ್ನು ಅನಾವರಣಗೊಳಿಸಲು ಚಿತ್ರತಂಡ ಸಿದ್ಧವಾಗಿದೆ.
ನಿತೇಶ್ ತಿವಾರಿ ನಿರ್ದೇಶನದ ಈ ಮೆಗಾ ಪ್ರಾಜೆಕ್ಟ್ನಲ್ಲಿ ರಣಬೀರ್ ಕಪೂರ್, ಯಶ್, ಸಾಯಿ ಪಲ್ಲವಿ, ಸನ್ನಿ ಡಿಯೋಲ್, ರವಿ ದುಬೆ ಸೇರಿದಂತೆ ತಾರಾಗಣವಿದೆ. ಎ.ಆರ್. ರೆಹಮಾನ್ ಮತ್ತು ಹ್ಯಾನ್ಸ್ ಝೀಮರ್ ಸಂಗೀತ ನೀಡಿರುವ ಈ ಎರಡು ಭಾಗಗಳ ಸಿನಿಮಾ ಕ್ರಮವಾಗಿ 2026 ಹಾಗೂ 2027ರ ದೀಪಾವಳಿಗೆ ಬಿಡುಗಡೆಯಾಗಲಿದೆ.
