ರೋಡ್ ಗ್ರೇಡರ್ ವಾಹನ ಹಾಯ್ದು ವೃದ್ಧ ಸ್ಥಳದಲ್ಲೇ ಸಾವು

ವಿಜಯಸಾಕ್ಷಿ ಸುದ್ದಿ, ಲಕ್ಕುಂಡಿ
 
ಇಲ್ಲಿಯ ಮಾರುತಿ ನಗರಕ್ಕೆ ಹೋಗುವ ಮೇಲುಸೇತುವೆ ಪಕ್ಕ ರಸ್ತೆ ಕಾಮಗಾರಿ ನಡೆಸುತ್ತಿದ್ದ ರೋಡ್ ಗ್ರೇಡರ್ ವಾಹನಕ್ಕೆ ಸಿಲುಕಿ ವೃದ್ಧನೋರ್ವ ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ಶುಕ್ರವಾರ ಸಂಭವಿಸಿದೆ.
ಮೃತ ಪಟ್ಟ ವ್ಯಕ್ತಿ ಅಲ್ಲಾವುದ್ದೀನ ಇಮಾಮ್ ಹುಸೇನ ಪಾಣಿಗಟ್ಟಿ(೬೨) ಎಂದು ಗುರುತಿಸಲಾಗಿದೆ.
ಗ್ರಾಮದಲ್ಲಿ ತನ್ನ ಬ್ಯಾಂಕ್ ವ್ಯವಹಾರದ ಕಾರ್ಯವನ್ನು ಮುಗಿಸಿಕೊಂಡು ಮಾರುತಿ ನಗರದಲ್ಲಿ ಇರುವ ತನ್ನ ಮನೆಗೆ ತೆರಳುತ್ತಿದ್ದಾಗ ಬ್ರಿಡ್ಜ ಪಕ್ಕ ಹೆದ್ದಾರಿ ರಸ್ತೆ ಕಾಮಗಾರಿ ನಡೆಸುತ್ತಿದ್ದ ರೋಡ್ ಗ್ರೇಡರ್ ವಾಹನಕ್ಕೆ ಸಿಲುಕಿ ವೃದ್ಧ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾನೆ ಎಂದು ಪೋಲಿಸರು ತಿಳಿಸಿದ್ದಾರೆ. ಗ್ರಾಮೀಣ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.