ವಿಜಯಸಾಕ್ಷಿ ಕನ್ನಡ ದಿನಪತ್ರಿಕೆ, ನವದೆಹಲಿ: ಕೊವಿಡ್ ಬಾಧಿತರಾಗಿದ್ದ ಗೃಹ ಸಚಿವ ಅಮಿತ್ ಶಾ ದೆಹಲಿ ಹೊರವಲಯದ ಗುರುಗಾಂವ್‌ನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾದ ನಂತರ ದೆಹಲಿಯ ಏಮ್ಸ್ ಆಸ್ಪತ್ರೆಗೆ ದಾಖಲಾಗಿ, ಚಿಕಿತ್ಸೆ ಪಡೆದು ಬಂದಿದ್ದರು. ಈಗ ಮತ್ತೆ ಅವರು ಏಮ್ಸ್ಗೆ ದಾಖಲಾಗಿದ್ದಾರೆ.
Advertisement
ಆಗಸ್ಟ್ 2ರಂದು ಅಮಿತ್ ಶಾರಿಗೆ ಪಾಸಿಟಿವ್ ದೃಢಪಟ್ಟಿತ್ತು. ಗುರುಗಾಂವ್‌ನ ಮೇದಾಂತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾಗಿದ್ದರು. ನಂತರ ಆಗಸ್ಟ್ 18ರಂದು ದೈಹಿಕ ನೋವು ಎಂದು ಏಮ್ಸ್ಗೆ ದಾಖಲಾಗಿದ್ದ ಅವರಿಗೆ 13 ದಿನದ ಚಿಕಿತ್ಸೆ ನೀಡಿದ್ದ ವೈದ್ಯರು, ಇದು ಕೊವಿಡ್ ನಂತರದ ಸುಸ್ತಿಗೆ ನೀಡುವ ಚಿಕಿತ್ಸೆ ಎಂದು ಹೇಳಿದ್ದರು. ಆಗಸ್ಟ್ 31ರಂದು ಡಿಸ್‌ಚಾರ್ಜ್ ಮಾಡಿದ್ದರು.
ಡಿಸ್‌ಚಾರ್ಜ್ ಆದ 12 ದಿನದ ನಂತರ ಶನಿವಾರ ರಾತ್ರಿ 11ಕ್ಕೆ ಮತ್ತೆ ಅವರನ್ನು ಅದೇ ಏಮ್ಸ್ಗೆ ದಾಖಲಿಸಲಾಗಿದೆ. ಯಾವ ಕಾರಣಕ್ಕೆ ಎಂಬುದು ತಿಳಿದು ಬಂದಿಲ್ಲ.