ದನದ ಶೆಡ್ʼಗೆ ಆಕಸ್ಮಿಕ ಬೆಂಕಿ: ಹೋರಿ ಕರು ಬೆಂಕಿಗೆ ಆಹುತಿ

ದನದ ಶೆಡ್ಡಿಗೆ ಆಕಸ್ಮಿಕ ಬೆಂಕಿ ಬಿದ್ದು ಹೋರಿ ಕರು ಬೆಂಕಿಗೆ ಆಹುತಿಯಾಗಿರುವ ಘಟನೆ ಗದಗ ಜಿಲ್ಲೆ ರೋಣ ತಾಲೂಕಿನ ಜಗಳೂರು ಗ್ರಾಮದಲ್ಲಿ ನಡೆದಿದೆ. ನಿನ್ನೆ ರಾತ್ರಿ ನಡೆದ ಬೆಂಕಿ ದುರಂತದಲ್ಲಿ ಹೋರಿ ಕರು ಸಾವನ್ನಪ್ಪಿದ್ದು, ಎರಡು ಎತ್ತುಗಳಿಗೆ ಗಂಭೀರ ಗಾಯಗಳಾಗಿವೆ.

ರೈತ ಹನುಮಂತ ಬೇಡರ ಎಂಬುವರಿಗೆ ಸೇರಿದ ದನದ ಕೊಟ್ಟಿಗೆಯಾಗಿದ್ದು, ದನದ ಕೊಟ್ಟಿಗೆಯಲ್ಲಿ ಸೊಳ್ಳೆಗಳಿಗೆ ಹಾಕಿದ್ದ ಹೊಗೆಯಿಂದ ಬೆಂಕಿ ದುರಂತ ಸಂಭವಿಸಿದೆ. ಅಪಾರ ಪ್ರಮಾಣದಲ್ಲಿ ಒಣ ಮೆಣಸಿನಕಾಯಿ ಸುಟ್ಟು ಕರಕಲು ಆಗಿದ್ದು, ಅಪಾರ ಹಾನಿಯಿಂದ ರೈತ ಹಣಮಂತ ಸಂಕಷ್ಟಕ್ಕೆ ಗೀಡಾಗಿದ್ದಾರೆ. ಇನ್ನೂ ರೋಣ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.