ಸಾಲು ಸಾಲು ರಜೆಗೆ ಊರಿಗೆ ತೆರಳುತ್ತಿರುವ ಸಿಟಿ ಮಂದಿ: ಬೆಂಗಳೂರಿನಲ್ಲಿ ಫುಲ್ ಟ್ರಾಫಿಕ್ ಜಾಮ್!

ಬೆಂಗಳೂರು:– ಅಂತೂ, ಇಂತೂ ಗೌರಿ ಗಣೇಶ ಹಬ್ಬ ಬಂದೇ ಬಿಡ್ತು. ಇದೇ ಹೊತ್ತಲ್ಲಿ ಸಾಲು ಸಾಲು ರಜೆ ಬೇರೆ ಇರೋದ್ರಿಂದ ಸಿಟಿ ಮಂದಿ ಬೆಂಗಳೂರಿನಿಂದ ತಮ್ಮ ತಮ್ಮ ಊರುಗಳತ್ತ ಮುಖ ಮಾಡಿದ್ದಾರೆ.

ಈ ಹಿನ್ನೆಲೆಯಲ್ಲಿ ತುಮಕೂರು, ಬಳ್ಳಾರಿ, ಶಿವನಾಂದ ಸರ್ಕಲ್​ ಫ್ಲೈ ಓವರ್ ಮತ್ತು ಮೈಸೂರು ರಸ್ತೆಯಲ್ಲಿ ಟ್ರಾಫಿಕ್ ಜಾಮ್​ ಉಂಟಾಗಿದೆ. ಇದರಿಂದ ವಾಹನ ಸವಾರರು ಗಂಟೆಗಟ್ಟಲೇ ಟ್ರಾಫಿಕ್​ನಲ್ಲಿ ಸಿಲುಕಿಕೊಂಡಿದ್ದಾರೆ. ಸಂಚಾರ ದಟ್ಟಣೆಗೆ ವಾಹನ ಸವಾರರು ಹೈರಾಣಾಗಿದ್ದಾರೆ.

ಅಮಾವಾಸ್ಯೆ, ಗೌರಿ ಗಣೇಶ, ವೀಕೆಂಡ್ ರಜೆ ಸೇರಿ ಸಾಲು ಸಾಲು ರಜೆ ಇರುವ ಕಾರಣದಿಂದ ಸಿಟಿ ಮಂದಿ ಊರುಗಳತ್ತ ತೆರಳಿದ್ದು, ಇದರಿಂದ ಸಿಟಿ ಮಂದಿ ಟ್ರಾಫಿಕ್ ನಲ್ಲಿ ಸಿಲುಕಿ ನರಳಿ ಬೆಂಡಾಗಿದ್ದಾರೆ.