ಬೆಳಗಾವಿ: ರಾಯಬಾಗ ತಾಲ್ಲೂಕಿನ ಖನದಾಳ ಗ್ರಾಮದ ದಿವ್ಯಾಂಗ ದಂಪತಿ ಯಲ್ಲಪ್ಪ ನಾಯಿಕ ಮತ್ತು ಬಾಳವ್ವ ಅವರು ಸಿಎಂ ಸಿದ್ದರಾಮಯ್ಯ ಅವರನ್ನು ಭೇಟಿಯಾಗಿ ತಮ್ಮ ಸಮಸ್ಯೆಯನ್ನು ಮನವಿ ಮಾಡಲು ಬಂದಿದ್ದರು.
ಆದರೆ ಮೊದಲ ಬಾರಿ ಅವರು ಭೇಟಿ ನೀಡಿದಾಗ ಸಿಎಂ ಅವರು ದಂಪತಿಯನ್ನು ಗಮನಿಸದೇ ಹೋಗಿದರು. ಈ ಘಟನೆಯ ಬಗ್ಗೆ ಮಾಧ್ಯಮಗಳಲ್ಲಿ ವರದಿ ಪ್ರಕಟವಾದ ನಂತರ, ಜಿಲ್ಲಾಧಿಕಾರಿ ಮತ್ತು ಎಸ್ಪಿ ಅವರ ಮಾರ್ಗದರ್ಶನದಲ್ಲಿ ಯಲ್ಲಪ್ಪ ದಂಪತಿಯನ್ನು ಮತ್ತೆ ಕರೆಸಿಕೊಂಡು ಸಿಎಂ ಅವರು ಅವರ ವಿಚಾರವನ್ನು ಗಮನಿಸಿದರು.
ನಿವೇಶನ ಕೊಡಿಸುವುದಾಗಿ ಹಣ ಪಡೆದವರು ವಂಚನೆ ನಡೆಸಿರುವ ಕುರಿತು ನ್ಯಾಯ ಒದಗಿಸಲು ದಂಪತಿ ಮನವಿ ಮಾಡಿದ ಮೇಲೆ, ಸಿಎಂ ತಕ್ಷಣವೇ ಬೆಳಗಾವಿ ಎಸ್ಪಿಗೆ ಆರೋಪಿಗಳನ್ನು ಬಂಧಿಸಿ ಕ್ರಮ ಕೈಗೊಳ್ಳುವಂತೆ ಸೂಚಿಸಿದರು. ಸಿಎಂ ಭೇಟಿಯಾದ ನಂತರ ಯಲ್ಲಪ್ಪ ದಂಪತಿ ಮಾಧ್ಯಮಗಳಿಗೆ ಧನ್ಯವಾದ ಸೂಚಿಸಿದ್ದಾರೆ.
