ಎರಡು ವರ್ಷಗಳ ಕಾಯುವಿಕೆಯ ನಂತರ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ತೆರೆಮೇಲೆ ಬಂದ್ರೆ ಏನಾಗುತ್ತೆ ಅನ್ನೋದಕ್ಕೆ ‘ದಿ ಡೆವಿಲ್’ ಸಿನಿಮಾವೇ ಸಾಕ್ಷಿಯಾಗಿದೆ. ದರ್ಶನ್ ಹಾಜರಿಲ್ಲದಿದ್ದರೂ ಡಿಸೆಂಬರ್ 11ರಂದು ಬಿಡುಗಡೆಯಾದ ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಗೆದ್ದು ಬೀಗಿದ್ದು ಇದು ದರ್ಶನ್ ಅಭಿಮಾನಿಗಳಿಗೆ ಹಬ್ಬದ ಸಂಭ್ರಮ ಉಂಟು ಮಾಡಿದೆ.
ಡಿ.ಹನ್ನೊಂದರಂದು ಬೆಳಗ್ಗೆ 6 ಗಂಟೆಯಿಂದಲೇ ಫ್ಯಾನ್ಸ್ ಫಸ್ಟ್ ಡೇ ಫಸ್ಟ್ ಶೋಗೆ ಮುಗಿಬಿದ್ದಿದ್ದು, ಅನೇಕ ಸ್ಕ್ರೀನ್ಗಳಲ್ಲಿ ‘ದಿ ಡೆವಿಲ್’ ಹೌಸ್ಫುಲ್ ಪ್ರದರ್ಶನ ಕಂಡಿದೆ. ಪರಿಣಾಮ—ಮೊದಲ ದಿನವೇ ಸಿನಿಮಾ 13.8 ಕೋಟಿ ರೂಪಾಯಿ ಬಾಚಿ, ರೆಕಾರ್ಡ್ ಬ್ರೇಕಿಂಗ್ ಓಪನಿಂಗ್ ಪಡೆದುಕೊಂಡಿದೆ.
ಡಬಲ್ ರೋಲ್ನಲ್ಲಿ ಕಾಣಿಸಿಕೊಂಡಿರುವ ದರ್ಶನ್, ಡೆವಿಲ್ ಪಾತ್ರದಲ್ಲಿ ಕ್ರೂರ ನೆಗೆಟಿವ್ ಶೇಡ್ ಮತ್ತು ಕೃಷ್ಣ ಪಾತ್ರದಲ್ಲಿ ಪಕ್ಕಾ ಮಾಸ್ ಹೀರೋ ಆಗಿ ಅಬ್ಬರಿಸಿದ್ದಾರೆ. ಎರಡು ಲುಕ್, ಎರಡು ಸ್ಟೈಲ್, ಡಬಲ್ ಫೈಟ್—ಎಲ್ಲವೂ ಅಭಿಮಾನಿಗಳಿಗೆ ಫುಲ್ ಪೈಸಾ ವಸೂಲ್ ಅನುಭವ ಕೊಟ್ಟಿದೆ.
ಪ್ರಕಾಶ್ ವೀರ್ ನಿರ್ದೇಶನದ ಈ ಪೊಲಿಟಿಕಲ್ ಥ್ರಿಲ್ಲರ್ನಲ್ಲಿ ಟ್ವಿಸ್ಟ್ಗಳ ಮೇಲೆ ಟ್ವಿಸ್ಟ್ಗಳು ಇದ್ದು, ತಾರಾಬಳಗವೂ ಚಿತ್ರದ ಬಲವಾಗಿದೆ. ಮೊದಲ ದಿನವೇ ಇಷ್ಟೊಂದು ಕಲೆಕ್ಷನ್ ಮಾಡಿದ ‘ದಿ ಡೆವಿಲ್’, ಮೊದಲ ವೀಕೆಂಡ್ನಲ್ಲಿ ಮತ್ತಷ್ಟು ದಾಖಲೆ ಸೃಷ್ಟಿಸುವ ಎಲ್ಲಾ ಲಕ್ಷಣಗಳನ್ನು ತೋರಿಸುತ್ತಿದೆ.
