ಹಾಸನ: ಹಾಸನದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದ್ದ ಮಹಿಳೆ ನಾಪತ್ತೆ ಪ್ರಕರಣಕ್ಕೆ ಅಂತಿಮವಾಗಿ ಕುಟುಂಬ ಮಿಲನದ ತಿರುವು ಸಿಕ್ಕಿದೆ. ಪ್ರಿಯಾಂಕ ನಾಪತ್ತೆಯಾಗಿದ್ದ ವೇಳೆ ಕಲ್ಕೆರೆ ಕೆರೆ ಬಳಿ ಆಕೆಯ ವಸ್ತುಗಳು ಪತ್ತೆಯಾಗಿದ್ದರಿಂದ ಕೊಲೆ ಶಂಕೆ ಉಂಟಾಗಿತ್ತು.
ಆದರೆ ತನಿಖೆಯಲ್ಲಿ ಆಕೆ ಪ್ರಿಯಕರ ಡೇವಿಡ್ ಜೊತೆ ತೆರಳಿ ನಾಟಕೀಯ ಸನ್ನಿವೇಶ ಸೃಷ್ಟಿಸಿದ್ದುದು ಬೆಳಕಿಗೆ ಬಂತು. ಡೇವಿಡ್ ವಾಸವಿದ್ದ ಮನೆಯಲ್ಲಿ ಆಕೆ ಜೀವಂತವಾಗಿ ಪತ್ತೆಯಾದಳು.
ಪೊಲೀಸರ ಮಧ್ಯಸ್ಥಿಕೆಯಲ್ಲಿ ಸಾಂತ್ವಾನ ಕೇಂದ್ರದಲ್ಲಿ ಪತಿ ರುದ್ರೇಶ್ ಹಾಗೂ ಪ್ರಿಯಾಂಕ ನಡುವೆ ಮುಕ್ತ ಮಾತುಕತೆ ನಡೆಯಿತು. ಮೊದಲಿಗೆ ಗಂಡನ ಜೊತೆ ಹೋಗಲು ನಿರಾಕರಿಸಿದ್ದ ಪ್ರಿಯಾಂಕ, ನಂತರ ತನ್ನ ತಪ್ಪಿನ ಅರಿವಿನಿಂದ ಕುಟುಂಬದ ಹಿತದೃಷ್ಟಿಯಿಂದ ಗಂಡನ ಜೊತೆ ಬದುಕಲು ಒಪ್ಪಿಗೆ ನೀಡಿದ್ದಾಳೆ.
ಕುಟುಂಬ ಮೌಲ್ಯಗಳಿಗೆ ಆದ್ಯತೆ ನೀಡಿದ ನಿರ್ಧಾರದಿಂದ ಸಂಚಲನ ಮೂಡಿಸಿದ್ದ ಪ್ರಕರಣಕ್ಕೆ ಕೊನೆಗೂ ತೆರೆಬಿದ್ದಿದೆ.
