ಬೆಂಗಳೂರು: ಕಳೆದ ಮೂರು–ನಾಲ್ಕು ದಿನಗಳಿಂದ ಇಳಿಕೆಯಾಗುತ್ತಿದ್ದ ಚಿನ್ನದ ಬೆಲೆಯಲ್ಲಿ ಇಂದು ದಿಢೀರ ಏರಿಕೆ ಕಂಡುಬಂದಿದೆ. ಫೆಬ್ರವರಿ 19, 2026 ಗುರುವಾರ ಮಾರುಕಟ್ಟೆಯಲ್ಲಿ 24 ಕ್ಯಾರೆಟ್ ಚಿನ್ನದ ದರದಲ್ಲಿ ಭಾರೀ ಹೆಚ್ಚಳ ದಾಖಲಾಗಿದೆ.
24 ಕ್ಯಾರೆಟ್ ಚಿನ್ನದ 1 ಗ್ರಾಂ ಬೆಲೆಯಲ್ಲಿ ₹229 ಏರಿಕೆಯಾಗಿದ್ದು, 10 ಗ್ರಾಂಗೆ ₹2,290 ಹೆಚ್ಚಳವಾಗಿದೆ. ಇದರಿಂದ 24 ಕ್ಯಾರೆಟ್ ಚಿನ್ನದ 1 ಗ್ರಾಂ ಬೆಲೆ ₹15,649 ಆಗಿದ್ದು, 10 ಗ್ರಾಂ ಬೆಲೆ ₹1,56,490ಕ್ಕೆ ಏರಿಕೆಯಾಗಿದೆ. ಇದೇ ವೇಳೆ 22 ಕ್ಯಾರೆಟ್ ಚಿನ್ನದ 1 ಗ್ರಾಂ ಬೆಲೆಯಲ್ಲಿ ₹210 ಏರಿಕೆ ಕಂಡು ₹14,345 ಆಗಿದೆ. 10 ಗ್ರಾಂ ಬೆಲೆ ₹1,43,450ಕ್ಕೆ ತಲುಪಿದೆ.
ಬೆಳ್ಳಿ ಬೆಲೆಯಲ್ಲೂ ಜಿಗಿತ
ಬೆಳ್ಳಿ ದರದಲ್ಲಿಯೂ ಭಾರೀ ಏರಿಕೆ ಕಂಡುಬಂದಿದೆ. ಪ್ರತಿ ಗ್ರಾಂಗೆ ₹15 ಹೆಚ್ಚಳವಾಗಿದ್ದು, ಕೆಜಿಗೆ ₹15,000 ಏರಿಕೆ ಕಂಡಿದೆ. ಇದರೊಂದಿಗೆ ಬೆಳ್ಳಿ ಬೆಲೆ ಪ್ರತಿ ಕೆಜಿಗೆ ₹2,70,000 ದಾಖಲಾಗಿದೆ.
ಫೆಬ್ರವರಿ 1ರಂದು 24 ಕ್ಯಾರೆಟ್ ಚಿನ್ನದ ಬೆಲೆ ₹16,058 ಆಗಿತ್ತು. ಫೆಬ್ರವರಿ 2ರಂದು ಕನಿಷ್ಠ ₹15,317ಕ್ಕೆ ಇಳಿದಿತ್ತು. ಫೆಬ್ರವರಿ 9ರಂದು ₹15,884 ಆಗಿದ್ದು, ಫೆಬ್ರವರಿ 18ರಂದು ₹15,420ಕ್ಕೆ ಇಳಿಕೆಯಾಗಿತ್ತು. ಆದರೆ ಫೆಬ್ರವರಿ 19ರಂದು ಮತ್ತೆ ₹15,649ಕ್ಕೆ ಏರಿಕೆಯಾಗಿದೆ. ಈ ತಿಂಗಳಲ್ಲಿ ಗರಿಷ್ಠ ಬೆಲೆ ₹16,058 ಮತ್ತು ಕನಿಷ್ಠ ಬೆಲೆ ₹15,317 ದಾಖಲಾಗಿದೆ.
