ಬೆಂಗಳೂರು: ಚಿನ್ನಾಭರಣ ಪ್ರಿಯರಿಗೆ ಸಿಹಿಸುದ್ದಿ ಸಿಕ್ಕಿದೆ. ಮಾರುಕಟ್ಟೆಯಲ್ಲಿ ಚಿನ್ನ ಹಾಗೂ ಬೆಳ್ಳಿ ದರದಲ್ಲಿ ಇಳಿಕೆ ಕಂಡುಬಂದಿದೆ. ಫೆಬ್ರವರಿ 17, 2026 ಮಂಗಳವಾರದಂದು 24 ಕ್ಯಾರೆಟ್ ಚಿನ್ನದ ಬೆಲೆಯಲ್ಲಿ ಭಾರೀ ಇಳಿಕೆಯಾಗಿದೆ. 24 ಕ್ಯಾರೆಟ್ 1 ಗ್ರಾಂ ಚಿನ್ನದ ದರ ₹153 ಇಳಿಕೆಯಾಗಿದ್ದು ₹15,491ಕ್ಕೆ ತಲುಪಿದೆ. 10 ಗ್ರಾಂ ದರದಲ್ಲಿ ₹1,530 ಇಳಿಕೆಯಾಗಿದ್ದು ₹1,54,910 ಆಗಿದೆ.
22 ಕ್ಯಾರೆಟ್ ಚಿನ್ನದ 1 ಗ್ರಾಂ ದರ ₹140 ಇಳಿಕೆಯಾಗಿದ್ದು ₹14,200ಕ್ಕೆ ಲಭ್ಯವಾಗಿದೆ. 10 ಗ್ರಾಂ ದರದಲ್ಲಿ ₹1,400 ಇಳಿಕೆಯಾಗಿದ್ದು ₹1,42,000ಕ್ಕೆ ತಲುಪಿದೆ.
ಬೆಳ್ಳಿ ದರದಲ್ಲೂ ಭಾರಿ ಇಳಿಕೆ ಕಂಡುಬಂದಿದೆ. ಪ್ರತಿ ಗ್ರಾಂಗೆ ₹8 ಇಳಿಕೆಯಾಗಿದ್ದು, ಕೆಜಿಗೆ ₹8,000 ಕಡಿಮೆಯಾಗಿ ₹2,60,000ಕ್ಕೆ ದಾಖಲಾಗಿದೆ.
ಚಿನ್ನದ ಬೆಲೆ ಫೆಬ್ರವರಿ 7ರಿಂದ ಏರಿಕೆ ಹಾದಿ ಹಿಡಿದಿತ್ತು. ಫೆಬ್ರವರಿ 1ರಂದು ₹16,058 ಇದ್ದ ದರ ಫೆ.9ರಂದು ₹15,884ಕ್ಕೆ ಇಳಿಕೆಯಾಗಿತ್ತು. ಈ ತಿಂಗಳ ಕನಿಷ್ಠ ದರ ಫೆ.2ರಂದು ₹15,317 ದಾಖಲಾಗಿದ್ದರೆ, ಗರಿಷ್ಠ ದರ ₹16,058 ಆಗಿತ್ತು. ಇತ್ತೀಚೆಗೆ ₹15,371ಕ್ಕೆ ಇಳಿದಿದ್ದ ದರ ಇದೀಗ ₹15,491ಕ್ಕೆ ಏರಿಕೆಯಾಗಿದೆ.
ಲಾಭಾಂಶ ಬುಕ್ಕಿಂಗ್ ಮಾಡುವ ಉದ್ದೇಶದಿಂದ ಹೂಡಿಕೆದಾರರು ಚಿನ್ನ ಮಾರಾಟದಲ್ಲಿ ತೊಡಗಿರುವುದರಿಂದ ದರದಲ್ಲಿ ಇಳಿಕೆ ಕಂಡುಬರುತ್ತಿದೆ. ಜೊತೆಗೆ ಜಾಗತಿಕ ರಾಜಕೀಯ ಪರಿಸ್ಥಿತಿಗಳು ಸ್ಥಿರವಾಗಿರುವುದೂ ಚಿನ್ನದ ಬೆಲೆ ಕುಸಿತಕ್ಕೆ ಕಾರಣವಾಗಿದೆ ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.
