ಹಾವೇರಿಯಲ್ಲಿ ಮೊದಲ ಮಳೆಗೆ ವರುಣಾಘಾತ: ಮನೆ ಮೇಲೆ ಉರುಳಿ ಬಿದ್ದ ತೆಂಗಿನಮರ!

ಹಾವೇರಿ:- ಹಾವೇರಿಯಲ್ಲಿ ಮೊದಲ ಮಳೆಗೆ ವರುಣಾಘಾತ ಎದುರಾಗಿದೆ. ಮನೆ ಮೇಲೆ ದಿಢೀರನೆ ತೆಂಗಿನಮರ ಉರುಳಿ ಬಿದ್ದ ಘಟನೆ ಜಿಲ್ಲೆಯ ಹಾನಗಲ್ ತಾಲೂಕಿನ ಹೇರೂರು ಗ್ರಾಮದಲ್ಲಿ ಜರುಗಿದೆ.

ಚಂದ್ರಪ್ಪ ಶಿವಪ್ಪ ನಿಂಬನಗೌಡ್ರ ಎಂಬುವವರ ಮನೆ ಮೇಲೆ ಮರ ಉರುಳಿ ಬಿದ್ದ ಹಿನ್ನೆಲೆ ಮನೆ ಮೇಲ್ಛಾವಣಿ‌ ಕುಸಿತಗೊಂಡಿದೆ. ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎನ್ನಲಾಗಿದೆ.

ಮಾಹಿತಿ ಮೇರೆಗೆ ಸ್ಥಳೀಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದರು.