ಬೆಂಗಳೂರು: ಮಾಜಿ ಸಂಸದ ಡಿಕೆ ಸುರೇಶ್ ಅವರು ಕುಮಾರಸ್ವಾಮಿಯವರ ಆಡಿಯೋ ಸಿಡಿಯೊಂದನ್ನು ಬಿಡುಗಡೆ ಮಾಡಿದ್ದರು. ಇದರ ಬೆನ್ನಲ್ಲೇಡಿಕೆ ಸುರೇಶ್ ಅವರು ಸಿಪಿ ಯೋಗೇಶ್ವರ್ ಬಗ್ಗೆ ಮಾತನಾಡಿರುವ ಆಡಿಯೋ ಒಂದನ್ನು ಕೇಂದ್ರ ಸಚಿವ ಎಚ್‌ಡಿ ಕುಮಾರಸ್ವಾಮಿ ರಿಲೀಸ್ ಮಾಡಿದ್ದಾರೆ.
Advertisement
ಹೌದು ರಾಜ್ಯದಲ್ಲಿ ಮೂರು ಕ್ಷೇತ್ರಗಳ ಉಪ ಕದನ ರಂಗೇರಿದೆ. ಬೊಂಬೆನಾಡು ಚನ್ನಪಟ್ಟಣ, ಏಲಕ್ಕಿ ನಾಡು ಶಿಗ್ಗಾಂವಿ, ಗಣಿನಾಡು ಸಂಡೂರು ಈ ಮೂರು ಕ್ಷೇತ್ರಗಳ ಉಪಚುನಾವಣೆ ದೀಪಾವಳಿ ಪಟಾಕಿಯಷ್ಟೇ ಸದ್ದು ಮಾಡುತ್ತಿದೆ.
ಇದೀಗ ಸಿ.ಪಿ.ಯೋಗೇಶ್ವರ್ ಯಾರಿಗೆಲ್ಲಾ ಟೋಪಿ ಹಾಕಿದ್ದಾರೆ ಗೊತ್ತು, ಬಿಡದಿಗೆ ಹೋಗಿ ಕೇಳಿದ್ರೆ ಎಲ್ಲಾ ಗೊತ್ತಾಗುತ್ತೆ. ಹಾದಿ ಬೀದಿಯಲ್ಲಿ ಜನರೇ ಯೋಗೇಶ್ವರ್ ಬಗ್ಗೆ ಮಾತನಾಡ್ತಾರೆ, ಮೆಗಾ ಸಿಟಿ ಹೆಸರಲ್ಲಿ ಯೋಗೇಶ್ವರ್ ಟೋಪಿ ಹಾಕಿದ್ದಾನೆ ಎಂದು ಡಿಕೆ ಸುರೇಶ್ ಹೇಳಿರುವ ಆಡಿಯೋವನ್ನು ಕುಮಾರಸ್ವಾಮಿ ಅವರು ಚನ್ನಪಟ್ಟಣ ಪ್ರಚಾರ ವೇಳೆ ಆಡಿಯೋ ರಿಲೀಸ್ ಮಾಡಿದ್ದಾರೆ.