ಬಿಗ್ ಬಾಸ್ ಕನ್ನಡ ಸೀಸನ್ 12 ಮುಕ್ತಾಯಗೊಂಡಿದ್ದು, 113 ದಿನಗಳ ಕಾಲ ನಡೆದ ಈ ಶೋನಲ್ಲಿ ಗಿಲ್ಲಿ ನಟ ವಿನ್ನರ್ ಆಗಿದ್ದಾರೆ. ಕೋಟ್ಯಂತರ ವೋಟುಗಳೊಂದಿಗೆ ಗೆಲುವು ಸಾಧಿಸಿದ ಗಿಲ್ಲಿ, ಈ ಸೀಸನ್ನ ಜನಪ್ರಿಯ ಸ್ಪರ್ಧಿಯಾಗಿದ್ದರು. ರನ್ನರ್ ಅಪ್ ಆಗಿ ಹೊರಹೊಮ್ಮಿದವರು ರಕ್ಷಿತಾ ಶೆಟ್ಟಿ.
ರಕ್ಷಿತಾ ಶೆಟ್ಟಿಯ ಬಿಗ್ ಬಾಸ್ ಪಯಣ ಈ ಸೀಸನ್ನ ಪ್ರಮುಖ ಹೈಲೈಟ್ ಆಗಿದೆ. ಅವರು ಬಿಗ್ ಬಾಸ್ ಮನೆಗೆ ಬಂದ ಮೊದಲ ದಿನವೇ ಹೊರಹಾಕಲ್ಪಟ್ಟಿದ್ದರು. ಆದರೆ ಒಂದು ವಾರದ ಬಳಿಕ ಮರು ಎಂಟ್ರಿ ಪಡೆದು, ಯಾವುದೇ ಸಿನಿಮಾ ಅಥವಾ ಸ್ಟಾರ್ ಬ್ಯಾಕ್ಗ್ರೌಂಡ್ ಇಲ್ಲದೆ ಫಿನಾಲೆ ವರೆಗೆ ತಲುಪಿದ್ದು ಗಮನಾರ್ಹ ಸಾಧನೆ.
ಫಿನಾಲೆ ವೇಳೆ ಕಿಚ್ಚ ಸುದೀಪ್ ಅವರು ರಕ್ಷಿತಾ ಬಳಿ, “50 ಲಕ್ಷ ಗೆದ್ದರೆ ಏನು ಮಾಡುತ್ತೀರಾ?” ಎಂದು ಪ್ರಶ್ನಿಸಿದರು. ಇದಕ್ಕೆ ರಕ್ಷಿತಾ, “20 ಹಸು ಖರೀದಿ ಮಾಡುತ್ತೇನೆ, ಒಂದು ಹಸುವಿಗೆ 1 ಲಕ್ಷ ರೂಪಾಯಿ” ಎಂದು ಉತ್ತರಿಸಿದ್ದರು. ಈ ಉತ್ತರ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಮೆಚ್ಚುಗೆ ಪಡೆದಿತ್ತು.
ಆದರೆ ರನ್ನರ್ ಅಪ್ ಆಗಿದ್ದರಿಂದ ರಕ್ಷಿತಾಗೆ 50 ಲಕ್ಷ ಸಿಗಲಿಲ್ಲ. ಆದರೂ ಸಹ ಅವರಿಗೆ ಮಹತ್ವದ ಬಹುಮಾನ ದೊರೆತಿದೆ.
ಸಾಯಿ ಗೋಲ್ಡ್ ಪ್ಯಾಲೆಸ್ ವತಿಯಿಂದ 20 ಲಕ್ಷ ರೂಪಾಯಿ ನಗದು ಬಹುಮಾನ ನೀಡಲಾಗಿದ್ದು, ಟಿಎ ಶರವಣ ಅವರು ವೇದಿಕೆಗೆ ಬಂದು ಚೆಕ್ ಹಸ್ತಾಂತರಿಸಿದರು.
ಇದಕ್ಕೆ ಜೊತೆಗೆ ಜಾರ್ ಅಪ್ಲಿಕೇಶನ್ ವತಿಯಿಂದ 5 ಲಕ್ಷ ರೂಪಾಯಿ ನಗದು ಬಹುಮಾನವೂ ನೀಡಲಾಯಿತು.
ಒಟ್ಟು 25 ಲಕ್ಷ ರೂಪಾಯಿ ಬಹುಮಾನ ಪಡೆದ ರಕ್ಷಿತಾಗೆ, ಮಧ್ಯಮ ವರ್ಗದ ಕುಟುಂಬದಿಂದ ಬಂದ ವ್ಯಕ್ತಿಯಾಗಿ ಇದು ದೊಡ್ಡ ಬೆಂಬಲವಾಗಲಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.
ಬಿಗ್ ಬಾಸ್ ಸೀಸನ್ 12ರಲ್ಲಿ ರಕ್ಷಿತಾ ಶೆಟ್ಟಿಯ ಪಯಣ ಕೇವಲ ಆಟವಲ್ಲ, ಅದು ಹೋರಾಟ, ಸಹನೆ ಮತ್ತು ಸಾಧನೆಯ ಕಥೆಯಾಗಿ ಉಳಿದಿದೆ.
