ಬೆಂಗಳೂರು;- ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಧೂಮಪಾನಿಗಳಿಂ ಸಾರ್ವಜನಿಕರಿಗೆ ತೊಂದರೆಯಾಗ್ತಿದೆ. ಹೀಗಾಗಿ ಪೊಲೀಸರು ವಿಶೇಷ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.ಈಗಾಗಲೆ 960 ಕ್ಕೂ ಹೆಚ್ಚು ಕೋಟ್ಪಾ ಕಾಯ್ದೆಯಡಿ ಪ್ರಕರಣ ಕೂಡ ದಾಖಲಾಗಿದೆ.ಕೆಳ ಹಂತದ ಸಿಬ್ಬಂದಿಯಿಂದ ಕಾಯ್ದೆಯ ಪಾಲನೆಯಾಗ್ತಿದ್ಯಾ..?ಈ ವಿಡಿಯೋ ನೋಡಿದ್ರೆ ಇಲ್ಲ ಎನ್ನಬಹುದು. ಹೌದು ಕೋಳ ಹಾಕಿಸಿಕೊಂಡ ರೌಡಿ, ಪೊಲೀಸರ ಮುಂದೆ ಸಿಗರೇಟ್ ಸೇದುತ್ತಿದ್ದಾನೆ.
ಕೇಸ್ ಗೆಂದು ಕರೆ ತಂದಾಗ ಪೊಲೀಸರ ಮುಂದೆಯೇ ರೌಡಿಯೊಬ್ಬನ ಕೃತ್ಯ ನಡೆದಿದೆ. ರಾಜಾರೋಷವಾಗಿ ಸಿಗರೇಟ್ ಸೇದುತ್ತಿದ್ದರು ಸಿಬ್ಬಂದಿ ಕ್ಯಾರೆ ಎಂದಿಲ್ಲ. ಕುಖ್ಯಾತ ರೌಡಿಶೀಟರ್ ರಾಹುಲ್ @ ಸ್ಟಾರ್ ರಾಹುಲ್ ನಿಂದ ಕೃತ್ಯ ನಡೆದಿದೆ. ಇನ್ನೂ ಮೀಸೆ ಚಿಗುರದ ಯುವಕ ಅದಾಗಲೇ ಹತ್ತಾರು ಕೇಸುಗಳನ್ನ ಮಾಡಿರುವ ನಟೋರಿಯಸ್.
ಮತ್ತೊಬ್ಬ ನಟೋರಿಯಸ್ ರೌಡಿ ಕುಳ್ಳು ರಿಜ್ವಾನ್ ಸಹಚರನಾಗಿರುವ ಸ್ಟಾರ್ ನವೀನ್ . ಈ ಹಿಂದೆ ಪೊಲೀಸರಿಗೆ ತಾಕತ್ ಇದ್ರೆ ನನ್ನ ಹಿಡಿರಿ ಎಂದು ವಿಡಿಯೋ ಬಿಟ್ಟಿದ್ದ. ವೇಳೆ ಆಗಿನ ಡಿಸಿಪಿ ಹರೀಶ್ ಪಾಂಡೆ ನೇತೃತ್ವದ ಇನ್ಸ್ ಪೆಕ್ಟರ್ ಗಳ ತಂಡ ಅವನನ್ನ ಹುಡುಕಿ ಕಾಲಿಗೆ ಗುಂಡು ನುಗ್ಗಿಸಿದ್ದರು ಇಂತಹ ನಟೋರಿಯಸ್ ರೌಡಿಗಳಿಗೆ ಯಾವುದೇ ಕೋಟ್ಪಾ ಕಾಯ್ದೆ ಅನ್ವಯವಾಗಲ್ವ …? ಎಂಬ ಪ್ರಶ್ನೆ ಮೂಡಿದೆ.ಸದ್ಯ ಸ್ಟಾರ್ ರಾಹುಲ್ ವಿಡಿಯೋ ನೋಡಿಯಾದ್ರು ಪೊಲೀಸರು ಎಚ್ಚೆತ್ತುಕೊಳ್ಳಬೇಕಿದೆ.