ಭಾರತ, ಇಂಗ್ಲೆಂಡ್ ನಡುವಿನ 5 ಪಂದ್ಯಗಳ ಟಿ20 ಸರಣಿ ಮುಕ್ತಾಯವಾಗಿದ್ದು, ಆಂಗ್ಲರ ವಿರುದ್ಧ ಟೀಮ್ ಇಂಡಿಯಾ 150 ರನ್ಗಳಿಂದ ಗೆದ್ದು ಬೀಗಿದೆ.
ಭಾರತದ 248 ರನ್ಗಳ ಬೃಹತ್ ಗುರಿಯನ್ನು ಬೆನ್ನತ್ತಿದ ಇಂಗ್ಲೆಂಡ್ ಕೇವಲ 97 ರನ್ಗಳಿಗೆ ಆಲೌಟ್ ಆಗಿದೆ. ಟೀಮ್ ಇಂಡಿಯಾದ ಬೌಲರ್ಗಳ ಆರ್ಭಟದ ಮುಂದೆ ಇಂಗ್ಲೆಂಡ್ ಬ್ಯಾಟರ್ಸ್ ಮಂಕಾಗಿ ಹೋದರು.
ಪಂದ್ಯ ಸೋತರೂ ಇಂಗ್ಲೆಂಡ್ ಆಟಗಾರ ಫಿಲ್ ಸಾಲ್ಟ್ ಮಾತ್ರ ಟೀಮ್ ಇಂಡಿಯಾ ಬೌಲರ್ಸ್ ಗಳನ್ನು ಚಿಂತೆಗೀಡು ಮಾಡುವಂತೆ ಮಾಡಿದರು. ಪ್ರವಾಸಿ ಇಂಗ್ಲೆಂಡ್ ಸಾಲಿಡ್ ಓಪನಿಂಗ್ ಪಡೆದುಕೊಂಡಿತು. ಫಾರ್ಮ್ಗೆ ಬಂದು ಭರ್ಜರಿ ಬ್ಯಾಟಿಂಗ್ ಮಾಡಿದ ಫಿಲ್ ಸಾಲ್ಟ್ ಮೊದಲ ಓವರ್ನಲ್ಲೇ 17 ರನ್ ಚಚ್ಚಿದ್ರು. ಅಬ್ಬರದ ಆರಂಭದ ಬೆನ್ನಲ್ಲೇ ಆಂಗ್ಲರಿಗೆ ಆಘಾತ ಕಾದಿತ್ತು. ಫಿಲ್ ಸಾಲ್ಟ್ ಒಂದೆಡೆ ಆರ್ಭಟ ನಡೆಸುತ್ತಿದ್ರೆ, ಇನ್ನೊಂದೆಡೆ ಬೆನ್ ಡಕೆಟ್ ಸೊನ್ನೆ ಸುತ್ತಿದ್ರು.
ಕ್ಯಾಪ್ಟನ್ ಜೋಸ್ ಬಟ್ಲರ್ ಕೂಡ ಔಟಾದ್ರು. 7 ರನ್ಗಳಿಸಿದ್ದ ಆಂಗ್ಲ ನಾಯಕನ ಆಟಕ್ಕೆ ವರುಣ್ ಚಕ್ರವರ್ತಿ ಅಂತ್ಯ ಹಾಡಿದ್ರು. 4ನೇ ಕ್ರಮಾಂಕದಲ್ಲಿ ಬಂದ ಸ್ಟಾರ್ ಬ್ಯಾಟರ್ ಹ್ಯಾರಿ ಬ್ರೂಕ್ ಬಂದಷ್ಟೇ ವೇಗವಾಗಿ ಹೋದರು.
ಬಳಿಕ ಮೈದಾನಕ್ಕಿಳಿದ ಲಿವಿಂಗ್ ಸ್ಟೋನ್ ಬ್ಯಾಕ್ ಟು ಬ್ಯಾಕ್ ಬೌಂಡರಿ ಸಿಡಿಸಿ ಅಪಾಯಕಾರಿ ಸೂಚನೆ ನೀಡಿದ್ರು. ಆದ್ರೆ, ವರುಣ್ ಚಕ್ರವರ್ತಿ ಅದಕ್ಕೆ ಅವಕಾಶ ನೀಡಲಿಲ್ಲ. ಬ್ಯಾಕ್ ಟು ಬ್ಯಾಕ್ ವಿಕೆಟ್ ಬಿದ್ರೂ ಕ್ರಿಸ್ ಕಚ್ಚಿ ನಿಂತಿದ್ದ ಫಿಲ್ ಸಾಲ್ಟ್ ಅಬ್ಬರದ ಅರ್ಧಶತಕ ಸಿಡಿಸಿದ್ರು. 23 ಎಸೆತ ಎದುರಿಸಿದ ಸಾಲ್ಟ್ 7 ಬೌಂಡರಿ, 3 ಸಿಕ್ಸರ್ ಸಹಿತ 55 ರನ್ ಚಚ್ಚಿದ್ರು.
ಅರ್ಧಶತಕದ ಬೆನ್ನಲ್ಲೇ ಸಾಲ್ಟ್ ಔಟಾದ್ರು, ಬ್ಯಾಟಿಂಗ್ ಬಳಿಕ ಬೌಲಿಂಗ್ನಲ್ಲೂ ಮ್ಯಾಜಿಕ್ ಮಾಡಿದ ಅಭಿಶೇಕ್ ಶರ್ಮಾ, ಬ್ರೆಂಡನ್ ಕರ್ಸ್, ಜೆಮ್ಮಿ ಓವರ್ಟನ್ಗೆ ಪೆವಿಲಿಯನ್ ದಾರಿ ತೋರಿಸಿದ್ರು.
ಒಟ್ಟಾರೆ RCB ಪರ ಈ ಬಾರಿ ಕಣಕ್ಕಿಳಿಯಲಿರುವ ಇಂಗ್ಲೆಂಡ್ ಆಟಗಾರ ಫಿಲ್ ಸಾಲ್ಟ್ ಅವರ ಬ್ಯಾಟಿಂಗ್ ಆರ್ಭಟ ಕಂಡು RCB ಫ್ಯಾನ್ಸ್ ಖುಷ್ ಆಗಿದ್ದಾರೆ.
