ಇದು ಪಾನಿಪುರಿ ಮೇಲಿನ ಹುಚ್ಚು ಮೋಹವೋ? ಅಥವಾ ಪಬ್ಲಿಕ್ ಗಿಮಿಕ್ಕೊ!?

ವಡೋದರಾ:- ಮಹಿಳೆಯೊಬ್ಬರು ಪಾನಿಪುರಿ ಮೇಲಿನ ಅತಿಯಾದ ಪ್ರೀತಿಯಿಂದ ಟ್ರಾಫಿಕ್ ಜಾಮ್ ಮಾಡಿರುವ ವಿಚಿತ್ರ ಘಟನೆ ಗುಜರಾತ್​​ನ ವಡೋದರಾದಲ್ಲಿ ಜರುಗಿದೆ.

ಎಸ್, ಸಾಮಾನ್ಯವಾಗಿ ಹುಡುಗಿಯರಿಗೆ ಪಾನಿಪುರಿ ಅಂದ್ರೆ ಎಲ್ಲಿಲ್ಲದ ಮೋಹ. ಅವರು ಎಷ್ಟೇ ಸಿಟ್ಟು ಮಾಡಿಕೊಂಡಿದ್ದರು ಪಾನಿಪುರಿ ಕೊಡ್ಸಿದ್ರೆ ಅವರ ಸಿಟ್ಟೆಲ್ಲಾ ದೂರ ಆಗುತ್ತೆ.. ಅಷ್ಟೊಂದು ಪ್ರೀತಿ ಪಾನಿಪುರಿ ಮೇಲೆ. ಮಹಿಳೆಯೊಬ್ಬರು 20 ರೂ.ಗೆ 6 ಪಾನಿ ಪುರಿ ನೀಡುವ ಬದಲು ಕೇವಲ 4 ಪಾನಿ ಪುರಿಗಳನ್ನು ನೀಡಿದ್ದಕ್ಕಾಗಿ ಬೇಸರಗೊಂಡು, ತಮಗೆ 2 ಪಾನಿಪುರಿ ಬೇಕೇಬೇಕೆಂದು ವಾಹನಗಳ ಮಧ್ಯೆ ರಸ್ತೆಯಲ್ಲಿ ಕುಳಿತು ಪ್ರತಿಭಟನೆ ನಡೆಸಿದರು.

ವಡೋದರಾದ ರಸ್ತೆಯ ಮಧ್ಯದಲ್ಲಿ ಕುಳಿತು ಪಾನಿ ಪುರಿ ಮಾರಾಟಗಾರನ ವಿರುದ್ಧ ಪ್ರತಿಭಟಿಸುತ್ತಿರುವ ಅವರ ವಿಡಿಯೋ ಇಂಟರ್ನೆಟ್‌ನಲ್ಲಿ ಹರಿದಾಡುತ್ತಿದ್ದು, ಕೊನೆಗೆ ಪೊಲೀಸರು ಬಂದು ಆಕೆಯನ್ನು ರಸ್ತೆಯಿಂದ ಎಬ್ಬಿಸಿ ಟ್ರಾಫಿಕ್ ಕ್ಲಿಯರ್ ಮಾಡಿದ್ದಾರೆ.