ಕಂಠಪೂರ್ತಿ ಕುಡಿಯುತ್ತಲೇ ಜಾಲಿ ರೈಡ್: ಆರೋಪಿ ಅರೆಸ್ಟ್!

ಬಳ್ಳಾರಿ:- ಬೈಕ್‌ನಲ್ಲಿ ಬಿಯರ್‌ ಕುಡಿದು ಹುಚ್ಚಾಟ ಮೆರೆದ ಯುವಕನನ್ನು ಬಳ್ಳಾರಿ ಸಂಚಾರಿ ಠಾಣೆ ಪೊಲೀಸರು ಅರೆಸ್ಟ್ ಮಾಡಿದ್ದು, ಬೈಕ್ ಸೀಜ್ ಮಾಡಿದ್ದಾರೆ.

ಚಲಿಸುತ್ತಿರುವ ಬೈಕ್ ಹಿಂಬದಿ ಕುಳಿತು ಯುವಕನೊಬ್ಬ ಬಿಯರ್ ಕುಡಿದ ವಿಡಿಯೋ ವೈರಲ್‌ ಆಗಿದೆ. ಕೇಶವ ಬಂಧಿತ ಆರೋಪಿ. ನಗರದ ರೈಲ್ವೇ ಫಸ್ಟ್ ಗೇಟ್ ಬಳಿ ಬೈಕಿನ ಹಿಂಬದಿಯಲ್ಲಿ ಕುಳಿತು ಕೇಶವ ಬಿಯರ್‌ ಕುಡಿದಿದ್ದ.

ಬಿಯರ್‌ ಕುಡಿಯುತ್ತಿದ್ದ ದೃಶ್ಯವನ್ನ ಸಾರ್ವಜನಿಕರು ಸೆರೆ ಹಿಡಿದಿದ್ದರು. ವಿಷಯ ಗಮನಕ್ಕೆ ಬರುತ್ತಲೇ ಕಾರ್ಯಪ್ರವೃತ್ತರಾಗಿ ಪೊಲೀಸರು ಆರೋಪಿಯನ್ನ ಬಂಧಿಸಿದ್ದಾರೆ.