ಕೋಳಿ ಜೂಜಾಟದ ಮೇಲೆ ಖಾಕಿ ದಾಳಿ: 9 ಮಂದಿ ಅರೆಸ್ಟ್, 13 ಸಾವಿರ ನಗದು ಸೀಜ್!

ಚಿತ್ರದುರ್ಗ:- ಜಿಲ್ಲೆಯ ಬಸ್ತಿಹಳ್ಳಿ ಗ್ರಾಮದ ಹೊರವಲಯದಲ್ಲಿ ನಡೆಯುತ್ತಿದ್ದ ಕೋಳಿ ಜೂಜಾಟದ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ.

ಕೋಳಿ ಜೂಜಾಟದ ಕುರಿತು ಖಚಿತ ಮಾಹಿತಿ ಆಧರಿಸಿ ಭರಮಸಾಗರ ಪೊಲೀಸ್ ಠಾಣೆಯ ಪಿಐ ಪ್ರಸಾದ್, ಪಿಎಸ್ಐ ಸುರೇಶ್ ನೇತೃತ್ವದಲ್ಲಿ ದಾಳಿ ನಡೆದಿದ್ದು, ಗಂಗಪ್ಪ, ಗೋವಿಂದ, ಕಿರಣ್, ಸತೀಶ್ ಸೇರಿ 9 ಮಂದಿಯನ್ನು ಅರೆಸ್ಟ್ ಮಾಡಲಾಗಿದೆ.

ಇನ್ನೂ ಬಂಧಿತರಿಂದ 13010 ರೂ. ನಗದು ಹಣ ಹಾಗೂ 3 ಕೋಳಿಗಳನ್ನು ಪೊಲೀಸರು ಸೀಜ್ ಮಾಡಿದ್ದಾರೆ. ಘಟನೆ ಸಂಬಂಧ ಭರಮಸಾಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.