ಇತ್ತೀಚಿನ ದಿನಗಳಲ್ಲಿ ಸೌಂದರ್ಯ ವರ್ಧಕ ವಸ್ತುಗಳ ಬಗ್ಗೆ ಜನರು ಹೆಚ್ಚು ಆಕರ್ಷಿತರಾಗುವುದನ್ನು ನಾವು ನೋಡಿದ್ದೇವೆ. ನೈಲ್ ಪಾಲೀಶ್, ಲಿಪ್‌ಸ್ಟಿಕ್, ಲಿಪ್‌ಕೇರ್, ಸ್ಕಿನ್ ಕೇರ್ ಹೀಗೆ ತರಹೇವಾರಿ ವಸ್ತುಗಳನ್ನು ಖರೀದಿಸಿ ಜನರು ಬಳಸುತ್ತಾರೆ.
ಸಾಮಾನ್ಯವಾಗಿ ಹೆಣ್ಣು ಮಕ್ಕಳು ತಮ್ಮ ಕೈ ಬೆರಳುಗಳ ಸೌಂದರ್ಯವನ್ನು ಹೆಚ್ಚಿಸಲು ಹಾಗು ಅದನ್ನು ಸುಂದರವಾಗಿ ಕಂಗೊಳಿಸಲು ಬಣ್ಣ ಬಣ್ಣದ ನೈಲ್ ಪಾಲಿಶ್ ಹಾಕುವುದನ್ನು ನಾವೆಲ್ಲರೂ ನೋಡಿರುತ್ತೀವಿ .
ಮದುವೆ ಅಥವಾ ಇನ್ನಿತರ ಶುಭ ಕಾರ್ಯಗಳ ಸಮಾರಂಭಗಳಲ್ಲಂತೂ ವಿಧ ವಿಧವಾದ ನೈಲ್ ಪಾಲಿಶ್ ಬಳಕೆ ಸಾಮಾನ್ಯವಾದದ್ದು . ಉಗುರುಗಳು ಒಣಗುವವರೆಗೆ ಹೆಚ್ಚು ಗಂಟೆಗಳ ಕಾಲ ಕುಳಿತುಕೊಳ್ಳುವ ಬದಲು ಬಹುಬೇಗ ಒಣಗಿಸಲು ಸುಲಭ ಪರಿಹಾರಗಳು ಇಲ್ಲಿವೆ.
ತಣ್ಣೀರು ಕೈ ಬೆರಳುಗಳಿಗೆ ಉಗುರು ಬಣ್ಣ ಅಥವಾ ನೈಲ್ ಪಾಲೀಶ್ ಹಚ್ಚಿದಾಗ ಒಣಗಿಸುವುದು ಬಹಳ ಮುಖ್ಯ. ಇಲ್ಲವಾದರೆ ಅಳಿಸಿ ಹೋಗಬಹುದು. ವೇಗವಾಗಿ ನೈಲ್ ಪಾಲೀಶ್ ಒಣಗಿಸಲು ತಣ್ಣೀರು ಬಳಸುವುದು ಒಳ್ಳೆಯದು. ತಣ್ಣೀರು ಅತ್ಯಂತ ಹಳೆಯ ವಿಧಾನಗಳಲ್ಲಿ ಒಂದಾಗಿದೆ. ಶೀತ ವಿಧಾನಗಳು ಪ್ರಭಾವ ಬೀರುತ್ತವೆ ಮತ್ತು ಕೆಲಸಗಳನ್ನು ಸುಲಭಗೊಳಿಸುತ್ತದೆ. ನೈಲ್ ಪಾಲೀಶ್ ಹಚ್ಚಿದ ಮೇಲೆ ಕೈ ಬೆರಳುಗಳನ್ನುತಣ್ಣೀರಿನಲ್ಲಿ ಮುಳುಗಿಸಿ ಒಂದೆರಳು ನಿಮಿಷ ಇಟ್ಟುಕೊಂಡರೆ ಉತ್ತಮ ಫಲಿತಾಂಶ ಪಡೆಯಬಹುದು.
ಬ್ಲೋ ಡ್ರೈಯಿಂಗ್ ನೈಲ್ ಪಾಲೀಶ್ ಒಣಗಿಸುವುದನ್ನು ವೇಗಗೊಳಿಸಲು ಹೆಚ್ಚಿನ ಸಲೂನ್‌ಗಳಲ್ಲಿ ಸಾಮಾನ್ಯವಾಗಿ ಕೆಲವು ರೀತಿಯ ಫ್ಯಾನ್‌ಗಳನ್ನು ಬಳಸುತ್ತಾರೆ. ಮನೆಯಲ್ಲಿದ್ದಾಗ, ಬ್ಲೋ ಡ್ರೈಯರ್‌ನಲ್ಲಿನ ಕೂಲಿಂಗ್ ಸೆಟ್ಟಿಂಗ್ ನೈಲ್ ಪಾಲೀಶ್ ಒಣಗಿಸಲು ಸಲೂನ್‌ನಲ್ಲಿ ಬಳಸಲಾಗುತ್ತದೆ. ಇದು ಫ್ಯಾನ್‌ಗಳಿಗಿಂತ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ.
ಪ್ರತಿ ಪದರವನ್ನು ಒಣಗಲು ಬಿಡಿ: ನಮ್ಮಲ್ಲಿ ಹೆಚ್ಚಿನವರು ಉಗುರು ಬಣ್ಣವನ್ನು ಒಣಗಲು ಬಿಡುವುದಿಲ್ಲ. ಉಗುರು ಬಣ್ಣ ಹಚ್ಚಿದಾಗ ಬಹು ಪದರಗಳನ್ನು ಅನ್ವಯಿಸಿದಾಗ ಒಣಗಿಸುವ ಸಮಯವು ಸ್ವಲ್ಪಮಟ್ಟಿಗೆ ಪರಿಣಾಮ ಬೀರುತ್ತದೆ. ಹೀಗಾಗಿ, ಒಟ್ಟಾರೆ ಒಣಗಿಸುವ ಸಮಯವನ್ನು ಕಡಿಮೆ ಮಾಡಲು, ಬಹು ಪದರಗಳನ್ನು ಅನ್ವಯಿಸುವಾಗ ನಿಧಾನಗತಿಯಲ್ಲಿ ಮುಂದುವರಿಯುವುದು ಒಳ್ಳೆಯದು. ಪ್ರತಿ ಕೋಟ್ ನಡುವೆ ಕನಿಷ್ಠ 2-5 ನಿಮಿಷಗಳ ಕಾಲ ಸಮಯ ಕೊಟ್ಟು ನಂತರ ಮುಂದಿನ ಸುತ್ತನ್ನು ಹಚ್ಚಿ.
ವೇಗವಾಗಿ ಒಣಗುವ ನೇಲ್ ಪಾಲೀಶ್ ಆರಿಸಿ: ನೇಲ್ ಪಾಲೀಶ್ ಅನ್ನು ಆಯ್ಕೆ ಮಾಡುವಾಗ ಮಾರುಕಟ್ಟೆಯಲ್ಲಿ ಹಲವು ರೂಪಾಂತರಗಳು ಲಭ್ಯವಿದೆ. ಖರೀದಿಸುವಾಗ ವೇಗವಾಗಿ ಒಣಗುವ ಉಗುರು ಬಣ್ಣವನ್ನು ಆಯ್ಕೆ ಮಾಡಿಕೊಳ್ಳಿ. ಈ ಕುರಿತು ಅದರಲ್ಲಿ ಬರೆದುಕೊಂಡಿರುತ್ತದೆ. ಆಯ್ಕೆ ಮಾಡಿಕೊಳ್ಳುವುದು ಬುದ್ಧಿವಂತ ನಿರ್ಧಾರವಾಗಿದೆ. ಅದಾಗ್ಯೂ ಎಚ್ಚರಿಕೆಯ ವಿಷಯವಾಗಿ ನಂತರದ ಆರೈಕೆಗೆ ಬಂದಾಗ ಅಂತಹ ಉತ್ಪನ್ನಗಳನ್ನು ಬಳಸಿದ ನಂತರ ಕ್ಯಾಪ್ಅನ್ನು ಗಾಳಿಯಾಡದಿರುವಂತೆ ಗಟ್ಟಿಯಾಗಿ ಮುಚ್ಚಿದೆಯೇ ಎಂದು ಖಚಿತಪಡಿಸಿಕೊಳ್ಳಿ. ನೈಲ್ ಪಾಲೀಶ್ ಸುಲಭವಾಗಿ ಒಣಗದಂತೆ ನೋಡಿಕೊಳ್ಳಿ.