ಮೊಹರಂ ಮೆರವಣಿಗೆ ವೇಳೆ ಕರೆಂಟ್ ಹೊಡೆದು ವ್ಯಕ್ತಿ ಸಾವು!

ವಿಜಯಪುರ:- ನಗರದ ಮೆಹತರ್ ಮಹಲ್ ಎದುರು ಮೊಹರಂ ಮೆರವಣಿಗೆ ವೇಳೆ ಕರೆಂಟ್ ಹೊಡೆದು ವ್ಯಕ್ತಿ ಸಾವನ್ನಪ್ಪಿದ ಘಟನೆ ಜರುಗಿದೆ.

40 ವರ್ಷದ ಮೊಹಮ್ಮದ್ ಇನಾಂದಾರ್ ಮೃತ ವ್ಯಕ್ತಿ ಎನ್ನಲಾಗಿದೆ. ಎದುರಿಗೆ ಬಂದ‌ ಕಾರಿಗೆ ದಾರಿ ಬಿಡುವ ವೇಳೆ ಟ್ರಾನ್ಸ್​ಫಾರ್ಮರ್​ಗೆ ವಾಹನ ತಗುಲಿದೆ. ಈ ವೇಳೆ ಶಾಕ್​ನಿಂದ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾನೆ. ಮತ್ತೋರ್ವ ಸಾಧಿಕ್‌ ಎಂಬಾತನಿಗೆ ಗಾಯವಾಗಿದ್ದು, ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಗಿದೆ.