ಕೆಸರುಮಯವಾದ ಸರ್ಕಾರಿ ಶಾಲೆ ಆವರಣ: ಸ್ಕೂಲ್ ಗೆ ಬರಲು ವಿದ್ಯಾರ್ಥಿಗಳು ಹಿಂದೇಟು!

ಗದಗ:- ನಿರಂತರವಾಗಿ ಸುರಿದ ಮಳೆಯಿಂದ ಸರ್ಕಾರಿ ಶಾಲೆ ಕೆರೆಯಂತಾಗಿರುವ ಘಟನೆ ಜಿಲ್ಲೆಯ ಗಜೇಂದ್ರಗಡ ತಾಲೂಕಿನ ನೆಲ್ಲೂರು ಗ್ರಾಮದಲ್ಲಿ ಜರುಗಿದೆ.

ಭಾರೀ ಮಳೆಯಿಂದ ಸರ್ಕಾರಿ ಪ್ರೌಢ ಶಾಲೆಯ ಆವರಣ ಕೆರೆಯಂತಾಗಿದ್ದು, ವಿದ್ಯಾರ್ಥಿಗಳು ಶಾಲೆಗೆ ಬರಲು ಹಿಂದೇಟು ಹಾಕುತ್ತಿದ್ದಾರೆ.

ಶಾಲೆಗೆ ಬರಬೇಕಾದ್ರೆ ನೀರಿನಲ್ಲಿ ನಡೆದು ಕೊಂಡು ಬರಬೇಕು. ಇನ್ನೂ ಮಳೆಯಿಂದ ಆಟದ ಮೈದಾನ ಕೆಸರು ಗದ್ದೆಯಂತಾಗಿದೆ. ಮಳೆಯ ನೀರಿನಲ್ಲಿ ವಿದ್ಯಾರ್ಥಿಗಳು ವಾಲಿ ಬಾಲ್ ಆಟವಾಡುತ್ತಿದ್ದಾರೆ. ಮಕ್ಕಳು ಕಾಲು ಜಾರಿ ಬಿದ್ದು ಪೆಟ್ಟಾದ್ರೆ ಏನು ಮಾಡೋದು!?, ಹೀಗಾಗಿ ಕೂಡಲೇ ಶಿಕ್ಷಣ ಇಲಾಖೆ ಪ್ರೌಢಶಾಲಾ ಮೈದಾನವನ್ನ ಅಭಿವೃದ್ಧಿ ಪಡೆಸಬೇಕೆಂದು ಅಲ್ಲಿನ ಗ್ರಾಮಸ್ಥರು ಒತ್ತಾಯ ಮಾಡಿದ್ದಾರೆ.