ವಿಜಯನಗರ: ಸರ್ಕಾರಿ ಕಾರ್ಯಕ್ರಮದ ಬ್ಯಾನರ್ ನಲ್ಲಿ ಕಾಂಗ್ರೆಸ್ ಶಾಸಕ‌ನ ಪುತ್ರರ ಫೋಟೋ ಅನಾವರಣ ಗೊಳಿಸಿ ಶಿಷ್ಟಾಚಾರ ಉಲ್ಲಂಘನೆ ಮಾಡಿದ ಆರೋಪ ಕೇಳಿ ಬಂದಿದೆ.
ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಯಿಂದ ಆಯೋಜನೆಗೊಂಡಿದ್ದ ಭೂಮಿ ಪೂಜೆ ಕಾರ್ಯಕ್ರಮದಲ್ಲಿ ಶಾಸಕ ಗವಿಯಪ್ಪ ಪುತ್ರರ ಫೋಟೋ ಅನಾವರಣಗೊಂಡಿದೆ. 1.91 ಲಕ್ಷ ವೆಚ್ಚದಲ್ಲಿ ಹೊಸಪೇಟೆ APMC ಯಲ್ಲಿ ಸಿಸಿ ರಸ್ತೆ ಸೇರಿ ವಿವಿಧ ಯೋಜನೆಗೆ ಭೂಮಿ ಪೂಜೆ ಏರ್ಪಡಿಸಲಾಗಿತ್ತು.
ಸರ್ಕಾರಿ ಕಾರ್ಯಕ್ರದಲ್ಲಿ ಸಂವಿಧಾನಿಕ ಹುದ್ದೆಯ ವ್ಯಕ್ತಿಗಳ ಫೋಟೋ ಮಾತ್ರ ಮುದ್ರಿಸಬೇಕಿತ್ತು. ಆದ್ರೆ ಅದರ ಬದಲಾಗಿ ಶಾಸಕ ಗವಿಯಪ್ಪ ಪುತ್ರರಾದ ವಿರೂಪಾಕ್ಷಿ, ಗುರುದತ್ ಫೋಟೋ ಮುದ್ರಣವಾಗಿತ್ತು. ಶಾಸಕರ ಮಕ್ಕಳ ಫೋಟೋಗಳು ಬ್ಯಾನರ್ ನಲ್ಲಿ ಮುದ್ರಿಸಿ ಅಧಿಕಾರಿಗಳಿಂದ ನಿಯಮ ಉಲ್ಲಂಘನೆ ಮಾಡಲಾಗಿದೆ.
ಸರ್ಕಾರಿ ಕಾರ್ಯಕ್ರಮದಲ್ಲಿ ಶಾಸಕರ ಪುತ್ರರ ಫೋಟೋ ಮುದ್ರಣ ಮಾಡಬಾರದು ಎಂದು ಶಾಸಕ ಗವಿಯಪ್ಪ ಪುತ್ರರ ಫೋಟೋ ಮುದ್ರಿಸಿದ್ದಕ್ಕೆ ಸಾರ್ವಜನಿಕರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
