ಕೋಲಾರ:- ಆನ್ಲೈನ್ ಮೂಲಕ ಖಾಸಗಿ ಶಾಲೆ ಶಿಕ್ಷಕಿಗೆ 20 ಲಕ್ಷ ವಂಚಿಸಿದ್ದ ದಂಪತಿಯನ್ನು ಕೋಲಾರ ಸೈಬರ್ ಕ್ರೈಮ್ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.
ಬೆಂಗಳೂರು ರಾಧ@ ಪಾವನ ಹಾಗೂ ಸತೀಶ್ ಬಂಧಿತ ಅರೋಪಿಗಳಾಗಿದ್ದಾರೆ. ಆರೋಪಿಗಳು, ನಕಲಿ Meesho Gift ಕಾರ್ಡ್ನ್ನು ಕಳಿಸಿ ಅದರಲ್ಲಿ 10,50,000 ರೂ. ನಗದು, 150 ಗ್ರಾಂ ಚಿನ್ನ, ಎರಡು ಐಪೋನ್ ಲಾಟರಿ ಗೆದ್ದಿರುವುದಾಗಿ ಆಮಿಷವೊಡ್ಡಿದ್ದರು. ಮೊದಲಿಗೆ ಪ್ರೊಸೆಸಿಂಗ್ ಶುಲ್ಕ ಎಂದು ಒಟ್ಟು 20 ಲಕ್ಷ ರೂ. ಆನ್ಲೈನ್ ಮೂಲಕ ವರ್ಗಾವಣೆ ಮಾಡಿಸಿಕೊಂಡಿದ್ದಾರೆ.
ಬೆಂಗಳೂರು ಮೂಲದ ಸೈಬರ್ ವಂಚನೆ ಜಾಲ ನಡೆಸುತ್ತಿದ್ದ ಈ ದಂಪತಿಯ ಆನ್ಲೈನ್ ಜಾಲದಲ್ಲಿ ಸಿಲುಕಿ ಹಲವರು ಮೋಸ ಹೋಗಿದ್ದಾರೆ ಎನ್ನಲಾಗಿದೆ. 7 ತಿಂಗಳ ಹಿಂದೆಯಷ್ಟೆ ಕೋಲಾರ ಜಿಲ್ಲೆ ಮಾಲೂರು ಮೂಲದ ಖಾಸಗಿ ಶಾಲೆ ಶಿಕ್ಷಕಿಗೆ ಆನ್ಲೈನ್ ಮೂಲಕ 20 ಲಕ್ಷ ರೂಪಾಯಿ ವಂಚನೆ ಮಾಡಿದ್ದರು. ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.
