ಬೆಂಗಳೂರು: ಬೈಕ್ʼನಲ್ಲಿ ಲಾಂಗ್ ಹಿಡಿದು ಡೆಡ್ಲಿ ವೀಲ್ಹಿಂಗ್‌ ಮಾಡಿದ್ದ ರೌಡಿಶೀಟರ್ ಅನ್ನು ಶಿವಾಜಿನಗರ ಪೊಲೀಸರು ಬಂಧಿಸಿದ್ದಾರೆ. ಸಿದ್ದಿಕಿ@ ಬರ್ನಲ್‌ ಬಂಧಿತ ರೌಡಿಶೀಟರ್ ಆಗಿದ್ದು, ಶಿವಾಜಿನಗರದ ಬಂಬೂ ಬಜಾರ್‌ನಲ್ಲಿ ಬೈಕ್ ರೈಡ್ ವೇಳೆ ಲಾಂಗ್ ಹಿಡಿದಿದ್ದ ರೌಡಿಶೀಟರ್ ಸಿದ್ದಿಕಿ ಪ್ರಯಾಣಿಸಿದ್ದ.
Advertisement
ಲಾಂಗ್ ಹಿಡಿದುಕೊಂಡಿದ್ದ ವೀಡಿಯೋ ಸಾರ್ವಜನಿಕರ ಮೊಬೈಲ್‌ನಲ್ಲಿ ಸೆರೆಯಾಗಿತ್ತು. ವೀಡಿಯೋ ಆಧಾರದಲ್ಲಿ ಸುಮೋಟೊ ಕೇಸ್ ದಾಖಲಸಿಕೊಂಡಿದ್ದರು. ತನಿಖೆ ವೇಳೆ ಆರೋಪಿಯು ರೌಡಿಶೀಟರ್ ಎಂಬ ವಿಚಾರ ಬೆಳಕಿಗೆ ಬಂದಿದೆ.
ಶಸ್ತ್ರಾಸ್ತ್ರ ಕಾಯ್ದೆಯಡಿ ರೌಡಿಶೀಟರ್‌ನನ್ನು ಪೊಲೀಸರು ಬಂಧಿಸಿದ್ದಾರೆ. ತನಿಖೆ ವೇಳೆ ಆರೋಪಿ ಮೇಲೆ 17 ಪ್ರಕರಣ ಇರುವುದು ಪತ್ತೆಯಾಗಿದೆ. ಕೋರ್ಟ್‌ನಿಂದ ಅರೆಸ್ಟ್ ವಾರೆಂಟ್ ಕೂಡ ಜಾರಿಯಾಗಿತ್ತು. ಆರೋಪಿಯನ್ನು ಬಂಧಿಸಿ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.