ಗದಗ ಜಿಲ್ಲೆಯ ವಿಧಾನಸಭಾ ಚುನಾವಣೆ ಮತದಾನ ವಿವರ……
ಜಿಲ್ಲೆಯಲ್ಲಿ ಮತದಾನ ಮುಂಜಾನೆಯಿಂದ ಮಂದಗತಿಯಲ್ಲಿ ಸಾಗಿದ್ದು, ಬೆಳಿಗ್ಗೆ 9 ಗಂಟೆಯವರೆಗೆ 7.25 ಶೇಕಡಾವಾರು ಮತದಾನವಾಗಿದೆ. ಗದಗ ನಗರದ ಮತಗಟ್ಟೆ 85 ರಲ್ಲಿ ಹತ್ತು ದಿನದ ಬಾಣಂತಿಯೊಬ್ಬರು ಮತದಾನ ಮಾಡಿದ್ದು ವಿಶೇಷವಾಗಿತ್ತು. ವರ್ಷ ಪವಾರ ಎಂಬವರು ಮತದಾನ ಮಾಡಿ ತಮ್ಮ ಕರ್ತವ್ಯ ಮೆರೆದರು.
ಗದಗ ನಗರದ ಮತಗಟ್ಟೆ 56 ರಲ್ಲಿ ಆಗಿರುವ ಅವ್ಯವಸ್ಥೆಗೆ ಎಮ್ ಎಲ್ ಸಿ ಎಸ್ ವಿ. ಸಂಕನೂರ ಸಿಡಿಮಿಡಿಗೊಂಡರು.
ಗದಗ ನಗರದ ಮುನಿಸಿಪಲ್ ಕಾಲೇಜಿನ ಮತಗಟ್ಟೆಯಲ್ಲಿ ಮತಯಂತ್ರವನ್ನು ಕತ್ತಲಿನಲ್ಲಿಟ್ಟು ಚುನಾವಣಾ ಸಿಬ್ಬಂದಿಗಳು ನಿರ್ಲಕ್ಷ್ಯ ವಹಿಸಿದ್ದು, ಚಿಹ್ನೆ, ಗುರುತು ಸರಿಯಾಗಿ ಕಾಣುತ್ತಿಲ್ಲಾ ಎಂದು ಸಂಕನೂರು ಸಿಡಿಮಿಡಿಗೊಂಡರು. ನಂತರ ಚುನಾವಣಾ ಸಿಬ್ಬಂದಿಗಳು ಮತಯಂತ್ರದ ಜಾಗ ಬದಲಾವಣೆ ಮಾಡಿದರು.
65- ಶಿರಹಟ್ಟಿ- ಶೇ. 4.85, 66-ಗದಗ- ಶೇ. 9.82, 67-ರೋಣ- ಶೇ. 7.17, 68-ನರಗುಂದ -ಶೇ. 7.20 ರಷ್ಟು ಮತದಾನವಾಗಿದ್ದು, ಜಿಲ್ಲೆಯಲ್ಲಿ ಒಂಬತ್ತು ಗಂಟೆಯವರೆಗೆ 7.25 ರಷ್ಟು ಶೇಕಡಾವಾರು ಮತದಾನವಾಗಿದೆ ಎಂದು ಜಿಲ್ಲಾಡಳಿತದ ಪ್ರಕಟಣೆ ತಿಳಿಸಿದೆ.
