ಶಾಲಾ ಆವರಣಕ್ಕೆ ನುಗ್ಗಿದ ನರಿ; ಓಡೋಡಿ ಹೋದ ವಿದ್ಯಾರ್ಥಿಗಳು!

ರಕ್ಷಿಸಿದ ನರಿ ಪ್ರಾಣಿಸಂಗ್ರಹಾಲಯದಲ್ಲಿ

ವಿಜಯಸಾಕ್ಷಿ ಸುದ್ದಿ, ಗದಗ

ಆಕಸ್ಮಿಕವಾಗಿ ನರಿಯೊಂದು ಶಾಲಾ ಆವರಣಕ್ಕೆ ನುಗ್ಗಿ ಅರಣ್ಯ ಇಲಾಖೆಯ ಅತಿಥಿಯಾದ ಘಟನೆ ಮಂಗಳವಾರ ಮಧ್ಯಾಹ್ನ ಜರುಗಿದೆ.

ಗದಗ ತಾಲೂಕಿನ ಅಸುಂಡಿ ಗ್ರಾಮದ ಹುಲಕೋಟಿ ಸಹಕಾರಿ ಶಿಕ್ಷಣ ಸಂಸ್ಥೆಯ ಪ್ರೌಢಶಾಲಾ ಆವರಣಕ್ಕೆ ನರಿಯೊಂದು ಎಂಟ್ರಿ ಕೊಟ್ಟಿದೆ. ಇದನ್ನು ನೋಡಿದ ವಿದ್ಯಾರ್ಥಿಗಳು ಓಡೋಡಿ ಹೋಗಿ ಕ್ಲಾಸ್ ರೂಮ್ ಸೇರಿಕೊಂಡಿದ್ದಾರೆ.

ತಕ್ಷಣವೇ ಶಾಲಾ ಸಿಬ್ಬಂದಿ ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ಕರೆ ಮಾಡಿ ಕರೆಸಿಕೊಂಡಿದ್ದಾರೆ.

ಅರಣ್ಯ ಇಲಾಖೆಯ ಸಿಬ್ಬಂದಿ ಬಲೆ ಹಾಕಿ ನರಿಯನ್ನು ಸೆರೆ ಹಿಡಿದು ಪ್ರಾಣಿ ಸಂಗ್ರಹಾಲಯಕ್ಕೆ ರವಾನಿಸಿದ್ದಾರೆ. ಇದರಿಂದಾಗಿ ಕೆಲಕಾಲ ಶಾಲಾ ವಿದ್ಯಾರ್ಥಿಗಳಲ್ಲಿ ಉಂಟಾಗಿದ್ದ ಆತಂಕ ದೂರು ಆಯಿತು. ಶಿಕ್ಷಕರು ನಿಟ್ಟುಸಿರು ಬಿಟ್ಟರು.

ಕಪ್ಪತಗುಡ್ಡದ ಸೆರೆಗಿನಲ್ಲಿ ಬರುವ ಅಸುಂಡಿ ಗ್ರಾಮದ ಪಕ್ಕವೇ ಪ್ರಾಣಿ ಸಂಗ್ರಹಾಲಯ ಇದೆ.