ಅಚ್ಚರಿ ಮೂಡಿಸಿದ ಎರಡು ತಲೆಯ ಆಕಳ ಕರು!

ವಿಜಯಸಾಕ್ಷಿ ಸುದ್ದಿ, ಹಾವೇರಿ

ಪ್ರಕೃತಿಯಲ್ಲಿ ಅನೇಕಾನೇಕ ಅಚ್ಚರಿಯ ಸಂಗತಿಗಳು ಘಟಿಸುತ್ತಲೇ ಇರುತ್ತವೆ. ಪ್ರತಿಯೊಂದೂ ಒಂದಕ್ಕೊಂದು ಭಿನ್ನವೇ. ಅಂತವುಗಳ ಸಾಲಿಗೆ ಹಾವೇರಿಯ ಒಂದು ಘಟನೆಯೂ ಸೇರ್ಪಡೆಯಾಗಿದೆ.

ಹಾವೇರಿ ಜಿಲ್ಲೆಯ ಹಿರೇಕೆರೂರ ತಾಲೂಕಿನ ಮಡ್ಲೂರು ಗ್ರಾಮದಲ್ಲಿ ವಿಚಿತ್ರ ಆಕಳ ಕರುವೊಂದು ಜನಿಸಿದೆ. ಅಚ್ಚರಿಯೆಂದರೆ, ಈ ಕರು ಎರಡು ತಲೆಗಳನ್ನು ಹೊಂದಿತ್ತು. ಶಾಂತಪ್ಪ ಈರಂಡ್ರಾ ಎಂಬುವರ ಆಕಳು ಈ ಎರಡು ತಲೆಯ ಗಂಡು ಕರುವಿಗೆ ಜನ್ಮ ನೀಡಿತ್ತು.

ದುರದೃಷ್ಟವಶಾತ್ ಕರು ಜನಿಸಿದ ತಕ್ಷಣವೇ ಸಾವನ್ನಪ್ಪಿದೆ. ಎರಡು ತಲೆಯ ವಿಚಿತ್ರ ಕರುವನ್ನು ನೋಡಲು ಗ್ರಾಮಸ್ಥರು ತಂಡೋಪತಂಡವಾಗಿ ಶಾಂತಪ್ಪನ ಮನೆಯ ಕಡೆ ಬರುತ್ತಿದ್ದು, ಅಸುನೀಗಿದ ಎರಡು ತಲೆಯ ಆಕಳ ಕರುವನ್ನು ನೋಡಿ ಮರುಕ ಪಡುತ್ತಿದ್ದಾರೆ. ಪೂಜೆ ಸಲ್ಲಿಸಿ ಪುನಿತರಾದರು.