ಭೀಕರ ಅಪಘಾತ; ಬೈಕ್ ಗೆ ಬಸ್ ಡಿಕ್ಕಿ,‌ ಮೂವರು ಕಾರ್ಮಿಕರು ಸಾವು

ಊಟ ಮುಗಿಸಿಕೊಂಡು ಹೊರಟಿದ್ದವರಿಗೆ ಬಸ್ ಡಿಕ್ಕಿ

ವಿಜಯಸಾಕ್ಷಿ ಸುದ್ದಿ, ರಾಯಚೂರು

ಬೈಕ್ ಗೆ ಬಸ್ ಡಿಕ್ಕಿ ಹೊಡೆದ ಪರಿಣಾಮವಾಗಿ ಮೂವರು ಸ್ಥಳದಲ್ಲಿಯೇ ಮೃತಪಟ್ಟ ದುರ್ಘಟನೆ ಮಧ್ಯರಾತ್ರಿ ನಡೆದಿದೆ.

ಜಿಲ್ಲೆಯ ಮಸ್ಕಿ ತಾಲೂಕಿನ ಗುಡದೂರು ನಾಲೆ ಬಳಿ ನಡೆದಿರುವ ಈ ಘಟನೆಯಲ್ಲಿ ಆಂಧ್ರಪ್ರದೇಶದ ನಂದ್ಯಾಲದ ನಾಗರಾಜ್ (32) ಜೈಪಾಲ್ (20) ಹಾಗೂ ಶ್ರೀನಿವಾಸ್ (28) ಎಂದು ಗುರುತಿಸಲಾಗಿದೆ.

ಭತ್ತದ ಕಟಾವು ಮಿಷನ್ ನಲ್ಲಿ ಕೆಲಸ ಮಾಡುತ್ತಿದ್ದ ಇವರು ನಿನ್ನೆ ರಾತ್ರಿ ಮಸ್ಕಿಯಲ್ಲಿ ಊಟ ಮುಗಿಸಿ ಬೈಕ್ ನಲ್ಲಿ ತೆರಳುವಾಗ ಈ ದುರ್ಘಟನೆ ಜರುಗಿದೆ.

ಸ್ಥಳಕ್ಕೆ ಮಸ್ಕಿ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದರು.