ಮೆಕ್ಯಾನಿಕ್ ಮನೆಯನ್ನು ಬಿಡದ ಕಳ್ಳರು; ಬಂಗಾರದ ಆಭರಣಗಳ ಕದ್ದು ಪರಾರಿ…

ವಿಜಯಸಾಕ್ಷಿ ಸುದ್ದಿ, ಬೆಟಗೇರಿ

ಯಾರೋ ಕಳ್ಳರು ಮನೆಗೆ ಹಾಕಿದ್ದ ಬೀಗವನ್ನು ಮೀಟಿ ಮನೆಯಲ್ಲಿದ್ದ ಸಾವಿರಾರು ರೂ.ಮೌಲ್ಯದ ಬಂಗಾರದ ಆಭರಣಗಳನ್ನು ದೋಚಿಕೊಂಡು ಹೋಗಿರುವ ಘಟನೆ ನಡೆದಿದೆ.

ಬೆಟಗೇರಿಯ ಮಂಜುನಾಥ್ ನಗರದ ವಾಂಬೆ ಬಡಾವಣೆಯ ವೃತ್ತಿಯಲ್ಲಿ ಮೆಕ್ಯಾನಿಕ್ ಆಗಿರುವ ಪರಶುರಾಮ ತಂದೆ ಸಂಗಪ್ಪ ಸೂರ್ಯವಂಶಿ ಇವರ ಮನೆಯ ಬಾಗಿಲಿಗೆ ಹಾಕಿದ್ದ ಬೀಗವನ್ನು ಮುರಿದು ಈ ಕೃತ್ಯ ಮಾಡಿದ್ದಾರೆ.

ಮನೆಯಲ್ಲಿ ಬೆಡ್ ರೂಂನಲ್ಲಿದ್ದ ಟ್ರಝರಿಯ ಲಾಕರ್ ನ್ನು ಯಾವುದು ವಸ್ತುವಿನಿಂದ ಮೀಟಿ ತಗೆದು ಅದರಲ್ಲಿದ್ದ 89ಸಾವಿರದ 250ರೂ.ಗಳ ಮೌಲ್ಯದ 25.5 ಗ್ರಾಮ ತೂಕದ ಬಂಗಾರದ ಆಭರಣಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದಾರೆ.

ಈ ಕುರಿತು ಬೆಟಗೇರಿ ಬಡಾವಣೆ ಪೊಲೀಸ್ ಠಾಣೆಯಲ್ಲಿ 0068/2023 ಕಲಂ 454,380 ರ ಐಪಿಸಿ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.